AYUB 16:12 - Alkitab Singog In Mongondow Masa In Tanaa

¹² Koḻipod kobiaganku in noaman bo notompia, táe ki Allah in nodaḻí nonubu kon inakó. Sindunku in dinomok-Nea bo pinogambat in akuoi; binaḻínea in akuoi pobobalajaran ponanaan.

AYUB 16:12 Mawu Ofanana

AYUB 15:26

Takin dinumodia in sia nonubu bo noḷawang kon i Allah; sinonggónea in kaḻeawnea, doíbí in sia taḷowon.

AYUB 16:11

Ki Allah in nobogoi kon inakó kon intau moraat; akuoi pinogonagnea kon kawasa in intau mokotor.

AYUB 23:16

Inta Totok in mokawasa nonginggamá kon bayongan in baraniku. Akuoi in moondok sin ki Allah, deemanbí popisí in sindip, umpaka sindip tua in moḻipung kon inakó, bo mogoḻingoi kon pogotku.

AYUB 29:3

Akuoi umuran sinuḷungan-Nea, sinimbayagan-Nea kon tungkuḷ in minayá kon sindip.

AYUB 3:26

Diá in mokosanang in kon inakó, akuoi inumaan in roriga diá moobo-obot.”

AYUB 4:10

Intau moraat moganggor bo mogaú, naonda bo singa mosia in moganggor. Táe pinomponan i Allah in bibig monia poḷat nomutoḷ kon ingipon mita monia.

AYUB 6:4

Piot nongkon i Inta Totok in Mokawasa noiḷambai kon awakku; bisanea in noibaya-bayádon kon bayongan in putú bo awakku. Kotoyang i Allah totok in mokoondok, bo nondangat kon inakó naonda bo tontara in musung.

AYUB 7:12

Nongonu sin akuoi in umuranbí indoian-Mu bo ḷukadan-Mu? Eta degá akuoi naa naga in dagat inta mokoanib?

AYUB 7:20

Ei moḷoḷukadku, morugi degá in Iko popisí in dosaku? Nongonu sin tanáan-Mubí mako in piot-Mu in akuoi? Degá mobogatdon totok in aidku kon ini-Mu?

AYUB 9:17

Sia in nomutú kon inakó pinongin deḷang, bo nodugang kon rorigaku takin diá in kinodoyonan.

MAZMUR 44:19

Gina nami in diábí momayow kon ini-Mu; parenta-Mu in umuranbí pandungon nami.

OMBAḶ 3:3

Akuoi in sinambok nopobui-buimai, takin diábí in tabi kinoouput in singgai.

OMBAḶ 3:4

Pinopomukaan-Nea in kinekeban modaḷom in awakku, bo tuḷanku mita in nongoputoḷ.

YEHEZKIEL 29:7

Kon dodai in mosia umandoḷ kon inimu, noputoḷ in iko bo noiturak kon iyok monia, dá ḻikud monia in noiḷogit.

MATIUS 21:44

Bo ki ine in moḷabú kon tudu in batu tatua, yo morimumud in sia bo ki ine in koḷabúannea yo moputo-putoḷ in sia.]”

SURAT I PAULUS KON JAMAAT RUM 16:4

Mosia tua ain nopotaru in nyawa monia sin moposaḷamat kon inakó. Akuoi takin jamaat mita inta deeman intau in Yahudi mopoyaput in sukur moantó kon i monia tua.