AMSAL 9:12 - Alkitab Singog In Mongondow Masa In Tanaa

¹² Aka hikmat bo oyúondon kon inimu, yo ikobí tontaní in mountung. Táe aka hikmat bo diá tarimaanmu, yo ikobí tontaní in porugionmai.

AMSAL 9:12 Mawu Ofanana

AYUB 19:4

Aka kuma bo noitaḷá in aidku, yo diábí intua mokoporugimai kon i monimu.

AYUB 22:21

Dá uḻe, Ayub, poyodamedon i Tuhan, sinbá mokouḻí in iko kon inta mopia. Aka aidanmu intua, notantú kon mokouḻíbí in iko kon kauntungan.

AMSAL 14:14

Intau moraat in motarimabí doman kon bungai in aidnea moraat, intau mopia in motarimabí doman kon bungai in aidnea mopia.

AMSAL 16:26

Ibog mongaan moguman kon intau sinbá mogaid; popisí in siannea, dá pakisadon in sia mogaid.

AMSAL 19:29

Intau bodok inta motosiḷantud notantú bidon kon bongkugon.

YESAYA 28:22

Dinongog-Kudon in singog inta sinantú i Allah Inta Totok in moḷantud bo Inta Totok in mokawasa sin moyopú kon sinangkub in butá. Dika momayow kon tosingogon mita tompoingat inta pinoguman-Ku tanaa. Sin mokodugang kon rorigamu in moposaḷamat in awak!

YEHEZKIEL 18:20

Intau inta nomia kon dosa, siabí in matoi. Adí in diábí umuran mobaba kon bungai in aid moitaḷá i amánea; ná doman tua amá in diábí doman mobaba kon bungai in dosa mita i adínea. Intau mopia in mokouḻíbí kon tontuḻí inta mopia popisí in aidnea inta mopia. Bo intau moraat in motarimabí doman kon roriga popisí in aidnea inta moraat.

GALATIA 6:5

Sin pomuḷoi intau in mustibí motanggung jawab kon onu in inaidannea tontaní.

PETRUS 2 3:16

Kon bayongan surat i Paulus tua mita umuranbí pinaisnea. Bo totuubí kon oyúon in tongonumai nohal kon suratnea mita in mororiga totok komangaḻean in bonunea tua. Bo inta mororiga totok komangaḻean tatua, sinokotuui in intau mita inta diá nonotaau kon onu bo onu bo inta diá noroton in pirisayanea. Soaḷ mita tatua in diá bidon mokoherang, sin bonupa in Buk Motusi ramujion doman monia pomiaan natua. Tongá oaid monia tatua in mokoboditobí doman kon i monia tontaní.