AMSAL 9:1 - Alkitab Singog In Mongondow Masa In Tanaa

¹ Hikmat ain noposindog in baḷoi, bo noposindogdon in oiginea pitu.

AMSAL 9:1 Mawu Ofanana

DATU MITA IMITÁNEA 7:21

uḷu mita in oigi inta ná batangan in bungang tatua pinoḷutud kon oigi mita tatua. Oigi mita tatua in inukat kon tayowon in ngara tumuot kon Baḷoi i Tuhan – tobatú in kon dotá in toḷatan, bo tobatú in kon dotá in utuan. Inta kon dotá in toḷatan sinangoian Yakhin, bo inta kon dotá in utuan sinangoian Boas. Natuata ki Huram noginḷapat kon oigi mita tatua.

DATU MITA IMITÁNEA 7:6

Ki Salomo in noposindog doman in “Baḷoi Pal”. Kobanat in baḷoi tatua in 22 nometer bo kooḷadnea in 13,5 nometer. Kon tayowon in baḷoi tatua oyúon in dangkuḷon inta oyúon in pal bo tukadnea.

AMSAL 1:20

Indongogaidon! Hikmat in mogoiní kon daḷan-daḷannea bo momaḷú kon rawang mita!

AMSAL 2:1

Abataibí in totundúku mita, adíku, bo umuran torop in tongginaku mita kon inimu.

AMSAL 24:3

Tonibuḷoi in pinosindog pinodoyon kon hikmat bo pomomangaḻe.

AMSAL 3:1

Dika koḻiongan onu inta ain sinundúku kon inimu, adíku. Umuran torop in parentaku,

AMSAL 8:1

Indongogai! Ki inta bijak in momaḷú magí-mako, hikmat mobuká kon bibig.

YESAYA 55:1

KI Tuhan in noguman, “Igaidon in moiko komintan inta morogang, ponginumdon, tubig in sinadiadon. Angoidon in moiko inta diá kodoit, tarimadon in gandum inta diábí uboḻian, bo kaandon! Anggur bo susu in sinadiadon, tarimadon mako diábí uboḻian.

MATIUS 16:18

Bo Akuoi in moguman doman kon inimu, iko in ki Petrus, kon tudu in batu karang tanaa posindogon-Ku in jamaat-Ku; bo diábí in mokotaḷow umpakabí popatoi!

GALATIA 2:9

Bo naonda in nokoontong kon totabi inta inogoi i Allah kon i nakó, dá ki Yakobus, ki Petrus, bo ki Yohanes inta nobaḻídon itoi kon jamaat, nopirisayadon kon ki Allahbí in nobogoi oaidan tanaa kon inakó. Sahingga in nodati in mosia kon i naminda i Barnabas saḷaku tanda yoyobayatan. Bo nosatuju bidon in kami kon kami in mayá mopohabar in Habar Mopia kon yua-yuak in intau mita inta deeman Yahudi, bo mosia in mayá kon sigad in intau mita in Yahudi.

TIMOTIUS 1 3:15

sinbá aka akuoi diápa ḷagi moiangoi, yo kotaauanmudon naonda in kobobiag naton saḷaku ki adí mita i Allah, mangaḻenea kon naa jamaat i Allah inta nobiag. Jamaat tanaa inta nobaḻí oigi pinonuḻid bo dumodudui kon totundú inta totuu nongkon i Allah.

WAHYU 3:12

Intau inta nountung, baḻíon-Ku saḷaku oigi kon bonu in Baḷoi Motusi i Allah-Ku, bo sia in umuran bidon mogutun kon tampat tatua. Tangoi i Allah-Ku, bo tangoi in kotá i Allah-Ku, tuata in Yerusalem mobagu inta moponag nongkon soroga, nongkon i Allah-Ku – tua in paison-Ku kon intau tatua. Ná doman tua, tangoi-Ku inta mobagu in paison-Ku doman kon intau tatua.