AMSAL 8:9 - Alkitab Singog In Mongondow Masa In Tanaa

⁹ Kon inta mopandoi, tosingogonku in totuubí, kon intau moarip, tosingogonku in noitaná.

AMSAL 8:9 Mawu Ofanana

AMSAL 14:6

Intau moḷoḷatú in diábí mobaḻí mobijaksana, táe intau mopandoi motoyongbí in pobalajarannea.

AMSAL 15:14

Intau mobijaksana motayak kon sinotaau; intau bodok tongá mosibuk in kobobodoknea.

AMSAL 15:24

Intau mobijaksana dumudui kon daḷan monakod inta mopobayá in kobiagan; deemanbí daḷan mosiḻig inta mopobayá in popatoi.

AMSAL 17:24

Inta batukon in intau mopandoi in tongábí bá mokouḻí kon hikmat, táe inta batukon in intau bodok in diá motantú.

AMSAL 18:15

Intau mopia in tantúbí moibog in sinotaau; intau mobijaksana in umuranbí moibog mokouḻí kon totundú.

AMSAL 3:13

Mountungdon totok in intau inta nobaḻí mobijaksana bo nokouḻí kon pomomangaḻe.

YESAYA 35:8

Kon tua in oyúondon in daḷan moḷoben, “Daḷan mokosaḷamat” in tangoinea. Intau binaradosa in diábí moitaḻib kon tua, Intau bodok in diábí mopoḷaḻe kon intau inta tumaḻib kon tua.

MIKHA 2:7

Dika morai kon umat in Israel in kinutukdon i Tuhan! Ki Tuhan in diábí mogaid kon natua mita. Sia in diábí mokoimontanmai in koinggamáan in sabar-Nea. Sia in mosingogbí takin pia-pia mako kon intau mita inta mogaid kon inta moitutui?”

YOHANES 6:45

Kon bonu in Buk in nabi mita pinais nanaa: ‘Komintan intau tundúonbí i Allah.’ Dá bayongan intau inta ain nokodongog kon totundú bo nobalajar nongkon i Amá, mamangoibí kon i-Nakó.

YOHANES 7:17

Intau mita inta moibog dumudui kon i Allah, kotaauanneabí mongo nongkon i Allah in totundú-Ku naa andeka nongkon i-Nakó tontaní.

YAKOBUS 1:5

Aka oyúon in kon sigad monimu in diápa totok mobijaksana; yo musti mopoigum kon i Allah, dá ogoianbí i Allah in kabijaksanaan in sia. Sin takinbí pia in gina bo tabi in ki Allah in mobogoi kon batúan in intau.