AMSAL 8:21 - Alkitab Singog In Mongondow Masa In Tanaa

²¹ Intau inta motabi kon inakó, baḻíonku mooyúon; puḻinganku in baḷoinea in kaoyúonan.

AMSAL 8:21 Mawu Ofanana

KINOBAḺIAN 15:14

Táe bangusa inta mononggata kon buímu tua in hukumon-Ku bo kon tungkuḷ in buímu monaḷámai kon butá tatua, mosia in modia kon kapunyaan moantó.

MAZMUR 16:11

Sinundú-Mu kon inakó in daḷan kobiagan; kon ini-Mu akuoi mokouḻí kon pia in gina inta diá in poḻiuan bo pia in gina modapot in mononoi.

AMSAL 1:13

Gamáan naton in pakakat mita monia inta koboḻi, sinbá baḷoi naton mopuḻing in pakakat mita inagow.

AMSAL 10:22

Tongábí popisí in barakat i Tuhan dá intau in mobaḻí mooyúon; simiḷopí totok diábí mokodugang kon kaoyúonan.

AMSAL 15:6

Kon baḷoi in intau mopia mobarong in kaoyúonan; kaoyúonan in intau moraat iyompat in bodito.

AMSAL 21:20

Intau mobijaksana in tantúbí mobiag motompia bo mooyúon; táe intau bodok imibo-ibogbí in mopomaké in kapunyaannea.

AMSAL 24:4

Bo aka oyúon in sinotaau, dá gopotnea mita in kobonuan mopuḻing in pakakat mita inta koboḻi bo mogaga.

AMSAL 6:31

Bo aka kodomokan in sia yo mustibí in sia moguboḻi kon tua kopitu nongkon tua, tuamai in sia mustibí kobuḻian in bayongan kaoyúonannea.

AMSAL 8:18

Kon inakó in sinadiabí in kaoyúonan, kahoromatan bo kobiagan inta motompia.

AMSAL 8:20

Akuoi in dinumudui kon daḷan inta moadil, bo akuoi in nongin daḷan inta moitutui.

MATIUS 25:46

Bo mosia naa in bonuon kon tampat pohohukuman mononoi, táe intau inta mopia in mokouḻí kon kobiagan inta mononoi.”

SURAT I PAULUS KON JAMAAT RUM 8:17

Dá, aka kita ki adí mita i Allah, yo kita naa in intaubí mita inta mogogabat-Nea bo inta motarima kon barakat mita inta ain sinadia i Allah kon i adí-Nea mita. Kita in noyotakin i Kristus motarima kon onu inta ain sinadia i Allah kon i-Nia; sin aka kita bo mokorasa kon roriga takin i Kristus, yo kita in pomuliaanbí doman moyotakin-Nea.

IBRANI 10:34

Bo moiko in noitakin doman nokorasa kon koajar in gina monia inta kinurung kon ponjara. Bo wakutu in kapunyaan monimu nodait inagow, diá noyaat in gina monimu, sin kinotaauandon monimu kon oyúonpabí in mopia-pia nongkon tua bo inta mononoi totok.

PETRUS 1 1:4

Kita in moharap mako sinbá mokouḻí kon barakat mita inta ain sinadia i Allah kon umat-Nea. Barakat mita tatua ain sinagú-Nea kon soroga, sahingga in diábí mogoguyaat, ande mobongkog ande mobaḷui.

WAHYU 21:7

Intau mita inta mountung, mokouḻí kon soaḷ mita natua nongkon i-Nakó, bo Akuoi in mobaḻí ki Allahnea, bo sia in mobaḻí ki adí-Ku.

SAMUEL 1 2:8

Nongkon roriga binuat-Nea in intau inta diá koonu bo onu, nongkon roriga pinoḷuat-Neadon in intau inta mokooyá. Mosia in binaḻí-Nea yobayat in intau mita moḷoben, bo inogoian in tangoi moḷantud. Aip in butá naa ki Tuhanbí in kitogi, kon ḻimonikannea pinosindog-Nea in dunia.