AMSAL 8:13 - Alkitab Singog In Mongondow Masa In Tanaa

¹³ Mohoromat kon i Tuhan tua in mangaḻenea in mondoí kon inta moraat; akuoi in doíbí kon aid moḷoḷatú bo mododia. Kodoíkubí in dodia inta moraat bo tosingogon mita inta monguboḷ.

AMSAL 8:13 Mawu Ofanana

AYUB 1:1

Kon butá in Us nogutun in ḷoḷaki tobatú tangoinea in ki Ayub. Sia in nosumba kon i Allah bo mosatia kon i-Nia. Sia in intau inta mopia in gina bo diábí nogaid kon onu inta moraat tongopiḻikmai.

AYUB 28:28

Ki Allah in noguman kon intau, “Sinbá mokouḻí kon hikmat, ki Allah in musti horomaton monimu. Sinbá momangaḻe, inta moraat musti poyayúon monimu.”

MAZMUR 101:3

aid moraat in diábí pomayáku mako. Kodoí-Kubí in dodia in intau inta nomaḻidawan, bo doíbí in akuoi mopandungmai kon i monia.

MAZMUR 119:104

Hukum-Mu mita in nobogoi kon inakó in pomomangaḻe, dá doíbí in akuoi kon aid motombogá.

MAZMUR 119:128

Tuamai akuoi in nobiag podudui in bayongan topotundú-Mu; dodia inta mobelung in kinodoíku.

MAZMUR 138:6

Iko in totokbí in momulia, táe inta noempeng in inindoian-Mubí doman; intau moḷoḷatú in diábí mokopogadop kon ini-Mu.

MAZMUR 97:10

Ei moiko inta moibog kon i Tuhan, kodoídon in inta moraat! Sin ki Tuhan in noḷukad kon kobiagan in umat-Nea, Sia in nopoḷuat kon i monia nongkon kawasa in intau inta diá mopirisaya.

IḶUAIAN 1:17

Táe taya dua tua in intaubí mita inta motoguondok kon i Allah. Doíbí in mosia mogaid kon onu inta pinoki aid i datu bo pinomayádon mako monia in adí mita ḷoḷaki tua nobiag.

AMSAL 10:31

Intau motuḻid in gina mopoyaput in tosingogon inta mobijaksana; intau moraat in pinomponan in bibignea.

AMSAL 15:9

Ki Tuhan in doíbí kon kobobiag in intau moraat, táe Sia in motabibí kon intau inta moḷongasi mogaid kon onu inta kinoibog-Nea.

AMSAL 16:18

Aid moḷoḷatú mokopopisí kon korimumudan; mododia mokopopisí kon korumbunan.

AMSAL 16:5

Bayongan in intau moḷoḷatú kinodoí i Tuhan; Diábí pomayá-Nea mako in mosia kotaḻiban in hukuman.

AMSAL 16:6

Intau inta tumoḷutui kon i Allah in ampunganbí; intau inta mopirisaya in moisimparutbí kon bayongan inta moraat.

AMSAL 3:7

Dikabí kainimu kon iko in mopando-pandoi nongkon inta sabanarnea; pokotoindudui kon i Tuhan bo pokopoyayú kon inta moraat.

AMSAL 4:24

Dika mokoimontanmai in mosingog kon onu inta diá totuu. Popoyayú in tosingogon mita inta uboḷ bo tosingogon mita inta makusud mopoḷaḻe kon intau.

AMSAL 6:12

Intau moraat bo inta diá koendar monguboḷ magí mako.

YESAYA 13:11

Ki Tuhan in noguman, “Akuoi in mohukumbí kon dunia popisí in aidnea moraat, bo intau mita inta moraat popisí in dosa mita monia. Bayongan in inta moḷoḷatú in poompáan-Kubí, intau mododia bo moromú in hukumon-Ku.

AMOS 5:15

Kodoídon in inta moraat, kotabidon inta mopia, bo posindogdon in inta moadil. Dika-dika bo ki Tuhan in motabidon kon intau mita inta kiagatneapa nongkon bangusa in Israel.

AMOS 6:8

Ki Tuhan Inta Totok in mokawasa bo Inta Totok in moḷantud nopotoingatdon nanaa, “Akuoi in doíbí totok kon ḷoḷatú in umat in Israel; diábí moḷunganga in gina-Ku kon komaḻig mita monia inta mopia totok tua. Putod in kotá monia takin bayongan inta kon bonunea in ogoi-Kubí kon musung.”

ZAKHARIA 8:17

Dika monomayá kon inta moraat kon tumpaḷa intau. Dika mongibot kon uboḷ. Kodoí-Ku in inta uboḷ bo inta diá moadil bo aid moromú.”

SURAT I PAULUS KON JAMAAT RUM 12:9

Kotabibí takin gina motuḻid. Poyayú inta moraat bo kadai kon onu inta mopia.

TESALONIKA 1 5:22

Bo mokopoyayú kon bayongan inta moraat.

TIMOTIUS 2 2:19

Táe dodoyonan moroton inta ain pinomia i Allah tua in diá bidon in mokodandú. Kon ḻimoniknea in pinaisdon nanaa, “Kinotaauanbí i Tuhan in umat-Nea inta kinotabi-Nea,” bo “Intau inta mongaku umat i Tuhan in mustidon mogogai in mogaid kon inta noitaḷá.”

PETRUS 1 5:5

Ná doman tua, utatku mita inta nongomudapa, mokopotoindudui kon guyanga mita. Moiko in musti mokopoompá kon dodia bo moibog doman mosibantungan sin kon Buk Motusi ain pinais nanaa: “Ki Allah in mohukum kon intau inta mokaḷakuang, táe motabibí kon intau inta moompá in dodia.”

SAMUEL 1 2:3

Gogaiaidon in ambungangaḷmu inta diá in mangaḻenea tua! Dikadon mosingog kon inta diá in baragunanea! Sin ki Tuhan tua in ki Allah inta totok in nonotaau; inta mohakim kon bayongan oaid in intau.