AMSAL 8:1 - Alkitab Singog In Mongondow Masa In Tanaa

¹ Indongogai! Ki inta bijak in momaḷú magí-mako, hikmat mobuká kon bibig.

AMSAL 8:1 Mawu Ofanana

AMSAL 2:1

Abataibí in totundúku mita, adíku, bo umuran torop in tongginaku mita kon inimu.

AMSAL 3:1

Dika koḻiongan onu inta ain sinundúku kon inimu, adíku. Umuran torop in parentaku,

MATIUS 3:3

Ki Yohanesbí naa inta pinopomakusudan in singog i Nabi Yesaya nanaa: “Oyúon intau inta nobaḷú kon padang pasir: Sadiadon daḷan kon i Tuhan, tuḻidon in daḷan kon i-Nia.”

MATIUS 4:17

Mulai kon wakutu intua ki Yesus in noguman, “Pogogaidon in mogaid kon dosamu mita, sin ki Allah in mamangoidon momarenta saḷaku Datu!”

MARKUS 13:10

Habar Mopia nongkon i Allah tua, musti muna potaau magí-mako kon bayongan in bangusa.

LUKAS 24:47

Bo podoyon doman kon tangoi i Datu Mopoposaḷamat tatua mustibí popotaau kon bayongan in bangusa, kon intau in mustibí mogogai in mogaid kon inta diá mopia bo potaau doman kon ki Allah in mongampungbí kon bayongan dosa mita monia. Bo habar tatua in musti popotaau pangkoion kon Yerusalem.

YOHANES 7:37

Kon singgai pangabisan nongkon porayaan tatua, tuata in singgai inta totok moponting kon porayaan tatua, ki Yesus in sinimindog kon bonu in Baḷoi Tuhan bo nosingog noropot; “Intau inta moyogang angoidon kon i-Nakó bo nonginum.

OUMAN IN RASUL MITA 1:8

Tongá moiko in mokouḻíbí kon kawasa, aka Roho i Allah mamangoidon kon i monimu bo moikodon nion in mobaḻí sakusi-Ku kon Yerusalem, kon bayongan butá in Yudea, kon Samaria, bo modapot in popod in dunia.”

OUMAN IN RASUL MITA 22:21

Táe ki Tuhan in noguman kon inakó, ‘bayádon sin Akuoi in mopotabá kon inimu mayá in tampat moyayú kon ḻipú in intau mita inta deeman Yahudi.’ ”

KORINTUS 1 1:24

Tongá aka kon intau mita inta ain sinoko oiní i Allah, pinomayá intau in Yahudi andeka deeman – habar tatua in totokbí in pinirisaya kon aidbí i Allah kon moponiata in kawasa bo kapandoian-Nea.