AMSAL 7:8 - Alkitab Singog In Mongondow Masa In Tanaa

^8-9 Kon dodai in ḷoḷabungnea kon tungkuḷ in moungkoḷomdon, tayow mobiag tatua kibaya-bayámai kon diug in pobeukan in daḷan inta mayá in baḷoi pinogutunan in bobay tobatú.

AMSAL 7:8 Mawu Ofanana

AMSAL 5:8

Pokopoyayúdon kon bobay inta ná tatua! Modapotbí in dika dimiug kon baḷoinea.

AMSAL 7:27

Mayá in baḷoinea notongkaibí in nomiḻí kon daḷan mopoḷok mopobayá in kopatoian.

KORINTUS 1 6:18

Manangka intua poyayúdon oaid mita inta diá mopia. Sin bayongan in oaid diá mopia inta inaidan intau tatua in komintanbí nobaḻí kon ḷuai in awak intau. Táe intau inta umuran mogaid kon inta diá mopia kon intau ibanea, tua in ná bí doman onda bo nopoaid in diá mopia kon awaknea tontaní.

TIMOTIUS 2 2:22

Tuamai in dika ná ibogpa in tayowmobiag mita, inta moibo-ibog in diá mopia, táe poramuji mobiag podudui kon inta kinoibog i Allah. Mokopotoindudui kon onu in sinundú i Tuhan, bo motabi kon tumpaḷa intau bo gina in umuran mosanang. Kobiagbí natua takin mosia inta umuran mokuani mokituḷung kon i Tuhan takin gina motuḻid.

YUDAS 1:23

Kapit bo poḷuai in mosia nongkon bonu in tuḷu sinbá mosaḷamat. Bo poontong doman in tabi kon intau mita ibanea, táe musti motoguondok. Kodoíbí modapot pakeang monia inta ain kinotoran in ibog monia inta binaradosa.

HAKIM MITA 16:1

Kon singgai tobatú ki Simson minayá in Gaza. Kon tua sia noyodungkuḷ in bobay sundaḷ tobatú bo minayá in sia nosiug takin bobay tatua.