AMSAL 7:7 - Alkitab Singog In Mongondow Masa In Tanaa

⁷ Bo inontongku nobayong in ede in tayowmobiag; táe sinaridianku totok in intaubí tobatú inta bodok kon sigad monia.

AMSAL 7:7 Mawu Ofanana

AYUB 24:15

Ki Mononuaḻing mogoḷat mako kon moiangoi in doḷom; inoḻingoiannea in pogot sinbá diádon kotaauan in intau in sia.

MAZMUR 119:130

Aka insilangan, totundú-Mu in mobogoi in bayag, mobogoi in pomomangaḻe kon intau moompá in gina.

MAZMUR 19:7

Sia in noḻibu kon ḷangit nongkon popodnea tobatú nodapot in popodnea ibanea; diábí in kotaḻiban in patúnea.

AMSAL 1:22

“Ei intau dondunguḷ! Modapot in toonu in moiko umuran natua? Toonu in mogogai in moiko in mopoompámai kon pongotahuan bo doí motarima kon topotundú?

AMSAL 1:32

Intau inta diá kopongalaman in matoibí popisí in doí motarima kon inakó, bo intau inta bodok in morimumudbí popisí in doí mopandungmai kon inakó.

AMSAL 1:4

Intau inta diá kopongalaman in tundúonnea dá mopandoidon morai, bo intau inta moguodpa in mobaḻídon intau mopandoi bo pororainea in nádon onda bo intau inta ain nogurang.

AMSAL 10:13

Intau inta mopandoi in pororainea mopoyaput in tosingogon mita inta mobijaksana; intau bodok paraḷubí ḷubagon.

AMSAL 12:11

Monononggobá inta simiḷopí in mogaid mobayong in kaanon, táe intau inta tongá mokopodait kon wakutu kon inta diá baraguna in intaubí bodok.

AMSAL 14:15

Intau bodok in mopirisayabí kon bayongan in tosingogon, intau mobijaksana in umuranbí mokopoingat.

AMSAL 14:18

Intau inta diá kopongalaman in motombodok; intau mobijaksana modugang in pandoinea.

AMSAL 19:2

Rajing diá takinan pongotahuan, diábí mopia; intau inta ḻimika-ḻikat in mogaidbí kon inta moitaḷá.

AMSAL 19:25

Aka intau moḷoḷatú hukumon, intau inta diá kopongalaman mokouḻí kon topotundú. Aka intau mopia toboḷowon yo modugang in sia mobijaksana.

AMSAL 22:3

Intau mobijaksana momarut aka mokoontong mako kon bodito; intau bodok mayá turus bo koantugan in roriga.

AMSAL 24:30

Nokoimontandon in akuoi in nongin gobá in intau maḷat bo gobá in anggur in intau pompuḷong.

AMSAL 27:12

Intau mobijaksana momarut aka mokoontong kon anib; intau bodok mayá turus bo koantugan in bodito.

AMSAL 5:1

Adíku, indongogai in akuoi! Tondudutdon in kobobijaksanaku bo pomomangaḻe inta sinundúku kon inimu,

AMSAL 6:20

Adíku, aidaidon onu inta pinoki aid i amámu, bo dika mokoḻiong kon tonggina mita i inámu.

AMSAL 6:32

Táe naonda degá in intau ḷoḷaki inta nonuaḻing? Sia in nomoguyaatbí kon awaknea tontaní! Totuu mobodok in sia!

AMSAL 8:5

Moiko inta diápa kopongalaman, pobalajar kon raian inta mopandoi; moiko inta moraat, pobalajardon momangaḻe.

AMSAL 9:16

“Igai mongandup, ei moiko inta diápa kopongalaman!” Bo sia in moguman kon intau inta bodok,

AMSAL 9:4

“Ki ine in diá kopongalaman, angoi kon naa!” Kon i monia inta diá koakaḷ, hikmat in moguman,

YEREMIA 4:22

Ki Tuhan in noguman, “Mobodok totok in umat-Ku tatua, mosia in diábí nonotaau kon i-Nakó. Mosia in naonda bo mongoadí mita inta pamandot diábí in topiḻikmai in pomomangaḻe; mopandoi in mogaid kon inta moraat, diá mokoaid kon inta mopia.”

MATIUS 15:16

Táe ki Yesus in notubag, “Umpaka yo diápa doman komangaḻean monimu?