AMSAL 7:26 - Alkitab Singog In Mongondow Masa In Tanaa

²⁶ sin sia ain nomoguyaat kon kobiagan in nobayong in ḷoḷaki. Diádon koiapan in kobayongnea in noyopú popisí in sia.

AMSAL 7:26 Mawu Ofanana

SAMUEL 2 3:27

Naonda in ki Abner nodapotdon kon Hebron, inanutan i Yoab in sia minayá sinimí nopobayá in diug in ngara moḷoben, naonda bo oyúon in oumanon inta diá motaau kodongogan in intau ibanea. Bo daḻídon sinumbuk i Yoab kon sian in ki Abner nodapot in minatoi in sia. Ki Abner minatoi iḻimod i Yoab sin nonuḻí kon kinopatoian i ai-ainea ki Asael.

NEHEMIA 13:26

Gumanku, “Diábí degá kinotaauan monimu kon dosabí doman tanaa inta inaidan i Datu Salomo? Diábí in datu in kon dunia naa inta moiḻiu kon inia. Ki Allah in notabi kon inia bo binaḻí in sia datu kon sinangkup in Israel. Umpaka natua táe sia in dinondouḷugandon in bobay mita in bangusa ibanea sin mogaid kon dosa.

AMSAL 2:18

Aka iko mayá in baḷoinea notongkaibí in mayá in popatoi. Mayá kon inia notongkaibí in mayá kon dunia in intau minatoi.

AMSAL 23:28

Mosia in moḷabot naonda bo mogogagow bo mokopopisí kon mobayong in ḷoḷaki monuaḻing.

AMSAL 6:33

Sia in rorigaanbí bo singkuḻeon. Tangoinea in mogoguyaat bidon modapot in mononoi.

AMSAL 7:27

Mayá in baḷoinea notongkaibí in nomiḻí kon daḷan mopoḷok mopobayá in kopatoian.

AMSAL 9:18

Mosia inta nobaḻí kokaanonnea diá nonotaau kon intau inta mamangoi kon inia moyodungkuḷ in popatoinea kon tua; bo mosia inta ain sinumuot kon baḷoinea, tanaa mako in kon bonudon in dunia in intau minatoi.

KORINTUS 1 10:8

Kita in diábí motaau in mogaid kon diá mopia ná inta inaidan in tongonumai intau kon sigad monia, sahingga doyowa nopuḷú bo toḷu noribu in intau in minatoi kon sigad monia in singgai tatua.

KORINTUS 2 12:21

Moḻia-ḻiaw doman in ginaku sin dikabo naonda in akuoi mamangoi bui, popoompáan i Allah in akuoi kon tayowon monimu, bo mongombaḷ in akuoi sin nobayongdon in kon sigad monimu in nogaid kon dosa wakutu intua bo diápa doman nobaḷui, bo tantúpa doman nogaid kon oaid mita inta moraat totok bo inta diá patus aidan i intau inta mopirisaya.

PETRUS 1 2:11

Utat mita inta kinotabiku! Moiko nion in intaubí mokokiangoi bo momomaḷancong kon dunia naa. Akuoi in mononggina kon inimu, donaai tongá umuran dumudui kon ibog in awak naa inta umuran mobobayowan moḷawang kon jiwa.

HAKIM MITA 16:21

Dá intau mita in Pilistin nodomokdon kon inia bo nonurak kon batoḷ in matanea. Dinia monia in sia minayá in Gaza bo sinogot monia in rante bitú doyowa, bo pinotuot monia kon ponjara. Kon tua pinoki giḻingan monia in sia.