AMSAL 7:22 - Alkitab Singog In Mongondow Masa In Tanaa

²² Diá bidon norai noḷanggó in sia dinumudui kon bobay tatua naonda bo sapi dinia kon tampat pororataan bo notongkai in intau inta dinakop sin motarima kon hukuman inta ain sinadia kon intau bodok;

AMSAL 7:22 Mawu Ofanana

AYUB 13:27

Sioḷku in sinogot-Mu in rante uatoi; bayongan in ḷampangku inindoian-Mu. Nodapot in paḷad in sioḷku, diábí moiḷagui kon mata-Mu.

AMSAL 6:32

Táe naonda degá in intau ḷoḷaki inta nonuaḻing? Sia in nomoguyaatbí kon awaknea tontaní! Totuu mobodok in sia!

AMSAL 7:21

Natuata in pinodondouḷug in bobay tatua kon tayow mobiag tatua pinongin dondouḷug mita inta mokosanang dá kinogodaandon in sia.

AMSAL 7:23

topiḻikpa bo piot in moiḷambai kon poatnea. Naonda bo ḷagapan inta iḷumayug nopobayá in poyogaḷap, natuata in tayow mobiag tatua diá nonotaau kon nyawanea tua in mopobayádon in popatoi.

YEREMIA 20:2

pinarentanea sinbá bongkugon in akuoi bo umantungan kon Bonawang in Benyamin, bonawang kon dotá in ḻimonik kon Baḷoi Tuhan.

OUMAN IN RASUL MITA 14:13

Bo namangoi in ki Imang i Dewa Zeus, inta tampat pososambayangannea kon ḷuai in kotá, nodia kon sapi mita koḷakian bo nopoḷambá in bungang kon ngara in kotá tatua. Bo noyotakin doman monia nobogoi in sosumba kon rasul mita tatua.

OUMAN IN RASUL MITA 16:24

Popisí parenta tatua, dá pinobonu itoi in ponjara tatua kon ruangan inta kon yua-yuak bo inumantungan in taya dua tatua.