AMSAL 6:23 - Alkitab Singog In Mongondow Masa In Tanaa

²³ Topotundú mita in guyangamu naonda bo togá inta mobayag; toboḷow monia mopoontong kon inimu in kobobiag inta mopia.

AMSAL 6:23 Mawu Ofanana

KINOBAḺIAN 39:8

Doí in ki Yusup bo sia in noguman kon i buḷoi Potipar, “Ampung, Nyora, ki tuang Potipar ain nopopirisaya in bayongan kapunyaannea kon inakó. Sia diá in bidon paraḷu momikir kon onuka in kon baḷoi tanaa.

MAZMUR 119:105

Tosingogon-Mu in nobaḻí togá kon bayáanku, sindar inta monimbayag kon daḷanku.

MAZMUR 119:130

Aka insilangan, totundú-Mu in mobogoi in bayag, mobogoi in pomomangaḻe kon intau moompá in gina.

MAZMUR 141:5

Aka intau mopia monoboḷow kon inakó bo takin gina motuḻid mosambok kon inakó, tua in naonda bo ḷana inta totok in mopia kon inakó. Igumon mako in diá indoíonku intua, sin akuoi in umuran mosambayang monayow kon aid monia moraat.

MAZMUR 19:8

Hukum i Tuhan tua in motomoman, mokosanang kon dimukud. Parenta i Tuhan motaau pirisayaan, mobogoi in hikmat kon intau inta diá kopongalaman.

AMSAL 10:17

Ki ine in mokidongog kon toboḷow yo mobiag motompia, ki ine in mooyá in mongaku kon taḷá yo kon bonudon in bodito in sia.

AMSAL 15:24

Intau mobijaksana dumudui kon daḷan monakod inta mopobayá in kobiagan; deemanbí daḷan mosiḻig inta mopobayá in popatoi.

AMSAL 15:31

Intau inta mokidongog kon toboḷow in moyotakinbí in intau mobijaksana.

AMSAL 29:15

Totundú bo toboḷow mokopobaḻí kon intau mobijaksana. Adí inta tantú duduian in ibognea mokopooyámai kon i inánea.

AMSAL 3:18

Intau inta kumadai motantú kon hikmat in mokouḻíbí kon kobiagan inta moitutui bo mosanang.

AMSAL 4:13

Tantú torop in totundú inta ain sinarimamu kon inakó. Ḷukadai intua kopira, sin pongin totundú tatua kodapotanmu onu in sinayakmu.

AMSAL 4:4

akuoi in sinundú i amáku. Sia in noguman, “Toropdon in tongginaku mita, dikabí mokoimontanmai in koḻionganmu. Aidaibí onu inta sinundúku mita, sinbá mosanang in kobiaganmu.

AMSAL 5:12

Bo iko in moguman, “Ah, nongonu sin akuoi in doíbí kon tonggina? Nongonu sin akuoi in doíbí sinoboḷow?

MOHOHUTUBA 7:26

Nouḻíku kon naanta yo bobaybí in mopai-pait in popatoi. Ibog in bobay tua in naonda bo pukot bo poyogaḷap inta ain sinaan mako. Koyotnea in naonda bo kayu pinoumantungan. Intau inta dinumudui kon ibog i Allah in moiyayúbí kon poyogaḷapnea, táe intau baradosa in notantú bidon kon kodomokannea.

MOHOHUTUBA 7:5

Maníka bo sinoboḷow in intau inta mopia, bo dika in dinayow in intau bodok.

YESAYA 8:20

Tubagai nanaa, “Indongogai in totundú in Tuhan! Intau inta diá nosingog podudui in totundú tatua, diábí in kamang.”

YEREMIA 21:8

Bo ki Tuhan in nopotabá kon inakó noguman nanaa kon umat-Nea, “Indongogai! Akuoi, ki Tuhan, in mokipiḻí kon inimu: daḷan inta mopobayá in kobiagan, andeka daḷan inta mopobayá in kopatoian.

YEHEZKIEL 20:11

Kon tua inogoi-Ku kon i monia in parenta-Ku mita bo sinundú-Ku in hukum-Ku mita inta musti duduian monia, sin intau inta dumudui kon tua in umuranbí mobiag.

IMAMAT 19:17

Dika motagú mako kon gina kon i ineka. Tompiadon bui in yogenggengmu takin i ineka, sinbá moiko diá baradosaan popisí in intau ibanea.

PETRUS 2 1:19

Tuatabí in nokodugang kon pirisaya nami kon koyow i Allah inta ain pinoyaput in nabi mita. Maníka moiko in monarukira totok kon koyow tatua, sin koyow tatua in naonda bo togá inta nonindar kon wakutu in doḷom modapot in mobayagdon, bo sindar in tundi inta kon dotá in pomukaan monimbayag kon bonu in ginamu.

WAHYU 2:5

Tuamai, torop kon totuudon moyayú in kinoḷabúan monimu! Dá pogogaidon in mogaid kon dosa mita bo aidaidon in onu inta inaidan monimu muna. Aka diá, yo angoion-Kudon rabuton sioḷ in togámu tua nongkon tampatnea.