AMSAL 6:12 - Alkitab Singog In Mongondow Masa In Tanaa

¹² Intau moraat bo inta diá koendar monguboḷ magí mako.

AMSAL 6:12 Mawu Ofanana

MAZMUR 10:3

Intau moraat mongambungangaḷ kon onu in koibognea inta moraat, intau motamaa mongutuk bo mondoí kon i Tuhan.

MAZMUR 10:7

Sia in umuranbí mongutuk, mopogogondok bo monguboḷ, singognea mita in nopuḻingbí in yaat in gina bo inta moraat.

MAZMUR 101:3

aid moraat in diábí pomayáku mako. Kodoí-Kubí in dodia in intau inta nomaḻidawan, bo doíbí in akuoi mopandungmai kon i monia.

MAZMUR 36:3

Inanggapnea kon siabí in totok in motoyang, dá diábí kotaauannea kon oyúon in taḷánea, bo diábí indoíonnea.

MAZMUR 59:7

Kon dodai in ḷoḷabungneadon mobui in mosia, mogoob naonda bo ungkú sindaḷan moḻibu kon kotá.

AMSAL 10:32

Tosingogon mita inta motuḻid mokosanang kon gina; tosingogon mita in intau moraat umuran mokonakit.

AMSAL 11:6

Intau mojujur in mosaḷamat popisí in kototuḻid in ginanea; intau inta diá motaau pirisayaan, in moiḷosok kon kototuránea.

AMSAL 16:27

Intau moraat moḷongasi mopobodito kon tumpaḷa intau; tosingogonnea mita moraat ná tuḷú mokopokak.

AMSAL 16:30

Mokopoingatdon kon intau inta momomi bo mongiloi, sia in koyogotbí in morai kon inta moraat kon bonu in ginanea.

AMSAL 17:4

Intau moraat dumuduibí kon tonggina mita inta moraat, intau mouboḷ moibog mokidongog kon tosingogon mita uboḷ inta ponapud.

AMSAL 2:12

bo moḷamboi kon inimu dumudui kon kobobiag inta diá mopia, bo mopoyayú doman kon inimu nongkon intau mita inta moraat in bibig.

AMSAL 3:32

Sin, ki Tuhan in doíbí kon intau inta mogaid kon inta moraat, táe Sia in modaginbí kon intau inta motuḻid in kobobiagnea.

AMSAL 4:24

Dika mokoimontanmai in mosingog kon onu inta diá totuu. Popoyayú in tosingogon mita inta uboḷ bo tosingogon mita inta makusud mopoḷaḻe kon intau.

AMSAL 6:14

Raiannea inta moraat nopuḻing in tomayá moraat bo mokopomuká kon rogenggeng kon bayongan in tampat.

AMSAL 8:13

Mohoromat kon i Tuhan tua in mangaḻenea in mondoí kon inta moraat; akuoi in doíbí kon aid moḷoḷatú bo mododia. Kodoíkubí in dodia inta moraat bo tosingogon mita inta monguboḷ.

YEREMIA 24:2

Karansi inta dungkuḷ in binonuan in bungai in ara inta mongopia, ná bungai in ara inta pinomungai dungkuḷ, bo karansi inta nogindua binonuan in bungai in ara inta nongoburuk, dá diá motaau kaanon.

MATIUS 12:34

Ei moiko buí inta moromú, naondabí in moiko motaau mosingog kon soaḷ mita inta mopia aka moiko tontaní in mogaid doman kon inta diá mopia? Sin onu siningog in bibig tuabí doman inta iḷumuai nongkon bonu in gina!

OUMAN IN RASUL MITA 20:30

Modapot in oyúon doman in intau mita kon sigad monimu in mobaḻí mopopotaau in habar inta diá totuu. Mosia in mogaid kon natua sinbá intau mita inta ain nopirisaya kon i Yesus in moiḷaḻe bo dumudui kon i monia.

TIMOTIUS 1 5:13

Apadoman wakutu monia in tongá modait kon agían akoan kon baḷo-baḷoiannea. Bo moiḻiu doman in raat kon tua aka mosia in moibog doman moporaa-raatmai kon tangoi intau ibanea bo moibog doman umaui kon urusan in intau ibanea, bo mongonguman doman kon soaḷ mita inta diá patus oumanon kon intau ibanea.

YAKOBUS 1:21

Tuamai ḷumbúdon in tabiat inta nonajis bo moraat. Táe koaḷusdon in gina motarima kon pirman inta pinomuḷa i Allah kon bonu in ginamu, sin moḷoben kawasa in pirman tatua kon moposaḷamat kon inimu.

YAKOBUS 3:6

Dilá tua in naonda bo tuḷu. Kon awak naton, sia in mobaḻí pangkoi in moraat inta mopobaya-bayá mako in moraat kon bayongan in awak naton. Takin tuḷu inta nongkon naraka, sia in momokak kon bayongan kobiagan naton.

SAMUEL 1 17:28

Ki Eliab ki utat i Daud inta guya-guyang totok nokodongog kon i Daud nongonguman takin in tontara mita. Sinumorú in sia kon i Daud poḷat noguman, “Nongonu sin iko in namangoibí in naa? Ki ine in pinoki ḷukadanmu in dombamu mita inta doyowa toḷu tua kon padang gurun? Kinotaauankubí, kon iko nion in tumekeng mobarani; iko nion in mamangoi tongábí moindoi kon poparangan?”