AMSAL 5:4 - Alkitab Singog In Mongondow Masa In Tanaa

⁴ táe aka komintandon kinotaḷaban, yo inta kinotaḷáan in dongka bidon inta mopait bo roriga.

AMSAL 5:4 Mawu Ofanana

MAZMUR 55:21

Yobayatku dungkuḷmai monubu kon yobayatnea mita, iḻimimpatdon in sia kon dodandiannea.

MAZMUR 57:4

Nongkon soroga Sia in motubag bo moposaḷamat kon inakó; Sia in nonaḷow kon intau mita inta mondorot kon inakó. Poontongbí i Allah kon Sia in mosatia kon inakó, bo umuranbí motabi kon inakó.

AMSAL 9:18

Mosia inta nobaḻí kokaanonnea diá nonotaau kon intau inta mamangoi kon inia moyodungkuḷ in popatoinea kon tua; bo mosia inta ain sinumuot kon baḷoinea, tanaa mako in kon bonudon in dunia in intau minatoi.

MOHOHUTUBA 7:26

Nouḻíku kon naanta yo bobaybí in mopai-pait in popatoi. Ibog in bobay tua in naonda bo pukot bo poyogaḷap inta ain sinaan mako. Koyotnea in naonda bo kayu pinoumantungan. Intau inta dinumudui kon ibog i Allah in moiyayúbí kon poyogaḷapnea, táe intau baradosa in notantú bidon kon kodomokannea.

IBRANI 4:12

Sin pirman i Allah tatua in singogbí inta nobiag bo moropot bo Siabí in moḷani-ḷanit nongkon pitow inta doyowa in matanea. Singog tatua in tumurak nodapot in nopoyotondí in jiwa bo roho; boḻikatog bo tuḷan bobubuton, sahingga in kotaauanneadon totok in raian bo niat in intau.