AMSAL 4:7 - Alkitab Singog In Mongondow Masa In Tanaa

⁷ Inta totok in moponting bo inta musti muna-munamai aidanmu, tuata in moḷongasi mobaḻí mobijaksana. Onuka in tayakonmu, inta totokanea in moḷongasibí sinbá mokouḻí kon pomomangaḻe.

AMSAL 4:7 Mawu Ofanana

TAWARIKH 2 1:10

Manangka intua ogoiaidon kaasí in akuoi naa in kabijaksanaan bo pongotahuan inta paraḷuonku kon modia kon i monia. Sin aka diá natua, yo diábí in akuoi mokotongod in momarenta kon umat-Mu inta mobarong totok naa?”

MAZMUR 119:104

Hukum-Mu mita in nobogoi kon inakó in pomomangaḻe, dá doíbí in akuoi kon aid motombogá.

AMSAL 16:16

Mokouḻíbí kon hikmat in mopia-pia kon mokouḻí kon buḷawan; mokouḻí kon sinotaau in mobara-baraguna in mokouḻí kon saḷaka.

AMSAL 2:4

Tayak intua ná motayak kon buḷawan, bo batuk intua ná momatuk kon kapunyaan inta noibuni.

AMSAL 21:6

Kaoyúonan inta nouḻí pinongin diá motuḻid ḷagi mobuḻi bo modia kon intau mopobayá in poḷobongan.

AMSAL 23:23

Totundú inta mobanar, hikmat, topotundú, bo pomomangaḻe – tua komintan in patusbí taḷuion, bo donaaibí potaḷui.

AMSAL 4:5

Pokopobijaksana bo pokopopandoi! Umuran torop in tongginaku mita bo dikabí ḷumbúon intua.”

AMSAL 8:23

Akuoi naa in pinomia muna-munamai, nongkon pinomangkoian, kon dodai in dunia diápa binaḻí.

MOHOHUTUBA 4:8

Oyúon in intau nobiag sia-sia mita diá kogadí, andeka diá kogutat. Umpaka natua, sia in umuran simiḷopí bo ginanea diá kon dodai in onda moorop in ibog in kapunyaannea. Kon i inebí in inta siniḷopíannea bo doí kon kasanangan? Tua in diá doman in mangaḻenea, bo kobobiag inta mororiga.

MOHOHUTUBA 7:12

notongkai doman in doit inta mobogoi in porasaan moaman. Apa doman totaau soaḷ hikmat! Ki ine in oyúon intua yo mosaḷamat.

LUKAS 10:42

Bá poguman-Ku kon inimu kon tongábí tobatú in totok moponting. Ki Maria ain nomiḻí kon inta mopia, inta diábí bui gamáan kon inia.”

LUKAS 12:20

Táe ki Allah in noguman kon inia, ‘Ei iko intau inta bodok! Doḷom doman naa iko in matoi, yo ki ine in pobogoianmu kon kapunyaan inta ain sinipunmu tanion?’

PILIPI 3:8

Deemanbí tongá kon soaḷ mita tatua; táe kon bayongan doman in rupa-rupa inanggapkudon diá in mangaḻenea. Sin naonda in akuoi nonotaaudon kon i Kristus Yesus, yo kinorasaanku kon tuabí in mopia-pia nongkon bayongan in rupa-rupa. Lantaran ki Kristus, dá bayongan in rupa-rupa sinaḷaankudon sin tua komintan diábí in mangaḻenea, bo bá mouḻíkudon in ki Kristus,