AMSAL 4:5 - Alkitab Singog In Mongondow Masa In Tanaa

⁵ Pokopobijaksana bo pokopopandoi! Umuran torop in tongginaku mita bo dikabí ḷumbúon intua.”

AMSAL 4:5 Mawu Ofanana

TAWARIKH 2 34:2

Sia in nogaid kon onu inta mokosanang kon gina i Tuhan; sia in dinumudui kon oaid mopia i Datu Daud mogoguyangnea, bo dinumudui kon bayongan in hukum i Allah takin ḻimbatú in gina.

AYUB 23:11

Akuoi in motoinduduibí kon i-Nia takin satia; diábí kon dodai in onda in akuoi in sinumabat nongkon daḷan inta sinantú-Nea.

MAZMUR 119:157

Nobayong in intau in nosaturu bo nondudur kon inakó, táe diábí sinaḷáanku in parenta-Mu.

MAZMUR 119:51

Intau moḷoḷatú in totokbí in moningkuḻe kon inakó, táe akuoi in diábí sinumabat kon hukum-Mu.

MAZMUR 44:18

Tua komintan ain noiantug kon inami umpaka diá in kami nokoḻiong kon ini-Mu andeka nonoḻikud kon dodandian-Mu bo inami.

AMSAL 16:16

Mokouḻíbí kon hikmat in mopia-pia kon mokouḻí kon buḷawan; mokouḻí kon sinotaau in mobara-baraguna in mokouḻí kon saḷaka.

AMSAL 17:16

Diá baraguna in intau bodok mokopodait kon doit motayak kon hikmat, sin sia in diábí koraian inta mosehat.

AMSAL 18:1

Intau inta tumontaní nongkon intau ibanea mangaḻenea in tongá morai kon awaknea tontaní; bayongan in tosingogon in intau bayowannea.

AMSAL 19:8

Ki ine in momatuk kon pongotahuan, motabi kon awaknea tontaní; bo ki ine in mokotorop kon onu in binalajarnea, mopiabí in kobiagannea.

AMSAL 23:23

Totundú inta mobanar, hikmat, topotundú, bo pomomangaḻe – tua komintan in patusbí taḷuion, bo donaaibí potaḷui.

AMSAL 3:1

Dika koḻiongan onu inta ain sinundúku kon inimu, adíku. Umuran torop in parentaku,

AMSAL 4:7

Inta totok in moponting bo inta musti muna-munamai aidanmu, tuata in moḷongasi mobaḻí mobijaksana. Onuka in tayakonmu, inta totokanea in moḷongasibí sinbá mokouḻí kon pomomangaḻe.

AMSAL 8:5

Moiko inta diápa kopongalaman, pobalajar kon raian inta mopandoi; moiko inta moraat, pobalajardon momangaḻe.

YAKOBUS 1:5

Aka oyúon in kon sigad monimu in diápa totok mobijaksana; yo musti mopoigum kon i Allah, dá ogoianbí i Allah in kabijaksanaan in sia. Sin takinbí pia in gina bo tabi in ki Allah in mobogoi kon batúan in intau.