AMSAL 4:20 - Alkitab Singog In Mongondow Masa In Tanaa

²⁰ Taridiaidon totok in tosingogonku mita adíku! Indongogai in tongginaku mita.

AMSAL 4:20 Mawu Ofanana

MAZMUR 34:12

Indongogaidon, ei mongoadí mita, tundúonku in moiko mohoromat kon i Tuhan.

MAZMUR 78:1

Dondong topotundú i Asap. Indongogaidon in totundúku, ei bangusaku, taridiaidon in tosingogonku mita.

MAZMUR 90:12

Degá kinotaauandon nami in kinototoyong in kobiagan naa sinbá kami in mobaḻí intau inta mobijaksana.

AMSAL 2:2

Tondudut onda inta mobijaksana bo poḷongasi monotaau kon tua.

AMSAL 22:18

Iko in mosanangbí aka topotundúku tua bo tagúonmu kon bonu in ginamu. Sin aka natua yo ain koyongan sinadiamu aka mopomaké kon inia.

AMSAL 5:1

Adíku, indongogai in akuoi! Tondudutdon in kobobijaksanaku bo pomomangaḻe inta sinundúku kon inimu,

AMSAL 7:1

Toropdon in tosingogonku mita, adíku, bo dika koḻiongan onu inta pinogumanku kon inimu.

YESAYA 55:3

Indongogaidon, ei bangusa-Ku, angoidon kon i-Nakó, moiko in ogoian-Ku in kobiagan inta mononoi. Pinodoyon kon tabi bo kososatia inta pinodandi-Ku kon i Daud, Akuoi in notogot kon dandi mononoi takin i monimu.

MATIUS 17:5

Koyogotpa in ki Petrus nosingog kon tua, daḻi-daḻí noikoḷubung magí kon i monia in goḷom inta mobunod bo kinodongogan nongkon goḷom tatua in singog inta noguman, “Naadon in Adí-Ku inta kinotabi-Ku, Sia tanaa inta kinoibog-Ku, indongogaidon in Sia.”