AMSAL 4:16 - Alkitab Singog In Mongondow Masa In Tanaa

¹⁶ Intau moraat in diábí mokosiug aka diápa mogaid kon inta diá mopia. Mosia in diábí tomposiug aka diápa mokopobodito kon intau ibanea.

AMSAL 4:16 Mawu Ofanana

MAZMUR 36:3

Inanggapnea kon siabí in totok in motoyang, dá diábí kotaauannea kon oyúon in taḷánea, bo diábí indoíonnea.

MAZMUR 36:4

Tosingogonnea mita in moraat bo nopuḻing in tompobaḻik, sia in diá bidon mogaid kon inta mopia bo mobijaksana.

AMSAL 1:16

Diábí mosanang in gina monia, aka diápa mogaid kon inta moraat. Ibogon monia in ḷagibí moḻimod.

AMSAL 2:14

Mosia in mokouḻí kon kososanang nongkon aid monia inta moraat.

AMSAL 4:15

Dikabí in iko umuran tumontong kon i monia. Pokopoyayú kon i monia bo dika mongandup.

YESAYA 57:20

Táe intau moraat in naonda bo dagat inta nobokoḷ bo diá kon dodai in onda in moḷene. Toḷognea in modia kon ḷonggai bo yoná.

YEREMIA 9:4

Umpaka kon yobayat, yo kon batúan in intau musti mokopoingat bo utat inoyod yo diá doman motaau pirisayaan. Sin, ná ki Yakub yo natua doman in mosia, kon batúannea monguboḷ kon i utatnea. Batúan in intau maya-mayá mako sin moponapud in diá totuu bo uboḷ.

MIKHA 2:1

Moboditodon in intau mita inta monomayá kon inta moraat kon dodai in mosiug mako kon tosiugan kon tungkuḷ in doḷom, bo mogaid kon tua kon dodai in doḷo-doḷom popisí in oyúon in ropot monia mogaid kon tua.

MIKHA 7:3

Komintandon mopandoi in mogaid kon inta moraat. Pojabat bo hakim moigum kon doit pompon in bibig, bo tongguḷu in intau mobayong in momakisadon kon koibognea, natuata in yopopog monia moyotakin.

LUKAS 22:66

Bo naonda in doḷom-doḷomdon, nosipundon in guhanga mita in ḻipu intau Yahudi, imang mita itoi bo mototundú mita kon agama, bo nodia kon i Yesus pinotayow kon sidang agama.

YOHANES 18:28

Doḷo-doḷompa totok dinia monia in ki Yesus nongkon baḷoi i Kayapas pinobayá kon komaḻig i gubernur. Intau mita in Yahudi in diábí sinumuot kon komaḻig tatua, sinbá mosia in diá monajis podudui in agama monia, sin mosia in tumakindon mokaan kon kaanon in Paska.

OUMAN IN RASUL MITA 24:7

Táe itoi in tontara ki Lisias tua in namangoi bo nogagow kon inia nongkon inami,

PETRUS 2 2:14

Mosia tua in diábí mogoga-gogai in mogaid kon dosa, bo totok moibog in mosia motayak kon bobay inta monakaḷ. Bo intau mita inta diápa noroton in pirisaya monia modait tongganutan monia. Gina monia tua in noibiasa bidon moturá. Mosia tua in binutung bidon!