AMSAL 30:9 - Alkitab Singog In Mongondow Masa In Tanaa

⁹ Sin, aka akuoi in mooyúon, yo dika-dika bo akuoi in moguman kon akuoi in diábí moparaḷu kon ini-Mu. Bo aka akuoi mobiag bogá, yo dika-dika bo monakow in akuoi dá mokopooyámai kon tangoi-Mu.”

AMSAL 30:9 Mawu Ofanana

MAZMUR 125:3

Intau moraat in diábí umuran mongawasa kon butá budel in intau mojujur, sinbá intau mopia diá moidudui mogaid kon inta moraat.

IḶUAIAN 20:7

Dika morotag kon tangoi-Ku, sin Akuoi, ki Tuhan Allahmu, in mohukumbí kon i ineka inta mopomia ibo-ibog kon tangoi-Ku.

IḶUAIAN 5:2

“Ki ine in ki Tuhan tua?” iḻibó i datu. “Nongonu sin pandungonkubímai in Sia bo mobogoi kon bangusa Israel mayá? Diábí kinotaauanku in ki Tuhan tua, bo intau mita Israel in diábí ogoiku mayá.”

AMSAL 29:24

Intau inta moyopopog in mononakow, notongkaibí in doí kon awaknea tontaní. Aka sia moguman kon tutuu kon pongadilan, sia in popoḷabúanbí in hukuman. Táe aka sia tongá kibio-biómai, yo sia in kotugatan in kutuk i Allah.

YESAYA 59:13

Kami in nonguboḷdon bo nomarontak kon i Tuhan, bo doí dumudui kon i Allah nami. Kami in nondorotdon kon intau ibanea bo nobaḷui in raian; raian nami in noiḷaḻedon, bo tosingogon mita nami in uboḷ.

YEREMIA 2:31

Ei umat Israel, indongogai in singog-Ku mita tanaa. Nokoimontandon degá in Akuoi naonda bo padang gurun kon i monimu andeka naonda bo butá inta sinimindip? Táe nongonu sin moiko in mogumanbí kon moiko in moibog moiḷuat bo doídon mobui mangoi kon i-Nakó?

YEREMIA 5:12

Umat i Tuhan in noguman kon inta diá totuu soaḷ ki Tuhan. Mosia in noguman, “Ah, Sia in diábí momia kon onu bo onu. Kita in diábí kotugatan in bodito bo diábí doman koumaan in parang andeka gogoyon.

YEHEZKIEL 23:35

Ki Tuhan Inta Totok in moḷantud in noguman, “Popisí in iko nokoḻiongdon kon i-Nakó bo nonoḻikudon kon i-Nakó, dá mororiga in iko sin ibogmu inta noiḷanú bo pinosundaḷanmu.”

DANIEL 4:17

Tuata in bontow in tosingogon nami malaekat mita inta umuran kiḷuka-ḷukadmai bo inta tantú nokopoingat. Makusud nami in bá intau mita kon ondaka yo mongaku, kon ki Allah Inta Totok in moḷantud in kitogi kawasa kon dodatuan in intau bo dodatuan tatua in ogoi-Nea kon i inekabí in piniḻí-Nea, nodapotbí in kon intau inta totok in diá in mangaḻenea!’

DANIEL 4:30

akuoi in noguman, “Indoiai, totuu motoyang in kotá in Babel! Akuoibí in noposindog kon tua nobaḻí ki iná in negara sin moponiata kon kawasa bo ropotku, koḷoḷantud bo koḷoḷobenku!”

HOSEA 13:6

Táe naonda in moiko kon bonudon in butá mopia, poḷat nobotug nodapotdon in moiko noorop, nobaḻídon in moiko moḷoḷatú bo iḻiongdon monimu in Akuoi.

IMAMAT 5:1

Kuruban pongampung kon dosa tua in paraḷu posumba kon dodai in kaadaan tanaa: Aka intau tobatú pinoigum mobogoi in katarangan kon bonu in pongadilan, táe diá nobogoi in katarangan soaḷ onu inta ain inontong ande inta dinongognea nodapot in sia musti motarima kon akibatnea.

MATIUS 26:72

Bo sia in nomayowdon takin nongibot, “Totu-totuubí kon diábí kinotaauanku in Intau tatua.”

MATIUS 26:74

Dá nomangkoidon in ki Petrus nongutuk bo nongibot, kainia, “Diábí kinotaauanku in Intau tatua!” Bo kon dodaipa doman tatua manuk nokukú.

ULANGAN 31:20

Mosia in diaan-Ku kon butá inta nooyúon bo mopia, ná inta pinodandi-Ku kon mogoguyang monia. Kon tua in mosia mobiag mosanang bo mokouḻí kon bayongan kaanon inta paraḷuon monia. Táe moiduduimai kon tua mosia in monoḻikudon bo mosumba kon ilah mita ibanea. Mosia in mondoídon kon i-Nakó bo monoḻikudon kon dodandian-Ku,

ULANGAN 32:15

Umat i Tuhan nobaḻí nobiag nooyúon, táe moibog momarontak, mosia in nongoḷongó, nobotug in kaanon. Bo mosia in nonaḷámai kon i Allah, inta nomaḻí kon i monia bo nondoí kon Mopoposaḷamatnea inta moroton.

YOSUA 24:27

Nopaḷut mako kon tua ki Yosua noguman kon bayongan in intau kon tua, “Batu tanaa in mobaḻí sakusi naton. Bayongan in tosingogon inta siningog i Tuhan kon inaton, aindon siningog kon tayowon in batu tanaa. Dá batudon tanaa in mobaḻí sakusi kon i monimu, sin moponorop kon i monimu sinbá diá moḷawang kon i Allahmu.”