AMSAL 3:20 - Alkitab Singog In Mongondow Masa In Tanaa

²⁰ Pinongin sinotaau-Nea pinomia-Nea in bokaká mita kon ḻimonag in butá nobotak bo nomuká in tubignea bo goḷom kon ḷangit mopobutak in tubig kon butá.

AMSAL 3:20 Mawu Ofanana

KINOBAḺIAN 1:9

Noiduduimai kon tua ki Allah noguman, “Koibog-Ku in bayongan tubig inta kon ḻimonag in ḷangit moiḻig kon tampat tobatú, sinbá butá in koontongandon.” Dá nobaḻí domandon intua.

KINOBAḺIAN 27:28

Igumon mako iko ogoian i Allah in topuot nongkon ḷangit, bo baḻíonnea in gobámu mita motoḷubú! Poigumon mako Sia in mobogoi kon inimu in gandum bo anggur inta mobarong totok!

KINOBAḺIAN 7:11

Kon tungkuḷ in ki Nuh umur onom nogatut notaong, kon tanggal mopuḷú bopitu buḷan nogindua, nobokatdon in bayongan bokaká kon ḻimonag in butá naa. Bayongan ḷoḻingkop in tubig kon ḷangit nobukat,

AMSAL 8:24

Akuoi in oyúondon kon dodai in baḷangon diápa binaḻí, kon dodai in diápa in bokaká mita.

YEREMIA 14:22

Dewa mita in bangusa mita diá mokopoḷabú in uyan kon butá. Ḷangit in diábí doman mopoḷabú monag in uyan podoyon kon kawasanea tontaní. Tongábí Iko in andoḷan nami. Inaidan-Mu intua komintan nobaḻí.

YOËL 2:23

Ei rayat in Sion, koḷungangadon in gina! Kosanangdon in gina bo porogiowdon! popisí in bayongan in inta mopia nongkon i Tuhan Allahmu. Kon sempo in pononotak inogoiannea in uyan inta tugat kon inimu. Kon sempo in tumping uyan pinoonag-Nea, ná doman tua in kon sempo in pononubú ná dungkuḷmai.

ULANGAN 33:28

Dá buí i Yakub in mobiagbí takin diá in tongkuḷabot kon butá inta nopuḻing in gandum bo tubig in anggurnea, bo binutakan in topuot nongkon ḷangit.