AMSAL 3:18 - Alkitab Singog In Mongondow Masa In Tanaa

¹⁸ Intau inta kumadai motantú kon hikmat in mokouḻíbí kon kobiagan inta moitutui bo mosanang.

AMSAL 3:18 Mawu Ofanana

KINOBAḺIAN 2:9

Ki Tuhan Allah in nopobiag in bayongan pangkoi in kayu inta mongogaga, inta mopomungai doman in ayop inta mopia. Kon yua-yuak in taman tatua nobiag domandon in kayu inta mobogoi in kobiagan bo pangkoi in kayu inta mobogoi in pongotahuan kon soaḷ inta mopia bo inta moraat.

KINOBAḺIAN 3:22

Ki Tuhan Allah in noguman, “Tanaa intau aindon nobaḻí ná Kita bo oyúondon in pongotahuan soaḷ inta mopia bo inta moraat. Dá musti in sia popoyayú sinbá diá bui in sia mogamá bo mokaan bui kon bungai inta mobogoi in kobiagan, sinbá diá in sia mobiag mononoi.”

AMSAL 11:30

Intau inta mobiag motoindudui in kinoḷukadan bidon in kobiagannea; intau inta mobijaksana modugang in dumoduduinea.

AMSAL 13:12

Aka kamang diá intompodan, mororiga in gina; aka ibog kinodapotan, mosanang in gina.

AMSAL 15:4

Tosingogon mita inta mopia mokoroton kon gina, tosingogon mita inta moraat mokoinggamá kon ibog.

AMSAL 4:13

Tantú torop in totundú inta ain sinarimamu kon inakó. Ḷukadai intua kopira, sin pongin totundú tatua kodapotanmu onu in sinayakmu.

AMSAL 8:32

Tuamai, indongogaidon in akuoi, ei intau mita inta mongobagupa! Duduiaidon in topotundúku, dá mosanangbí in iko.

AMSAL 8:34

Pia in kamang in intau inta mokidongog kon inakó inta pomuḷoi in singgai ḻimitú mogoḷat mako kon ngara in baḷoiku, bo umuran moḷukad kon bonawang in pinogutunanku.

MOHOHUTUBA 7:12

notongkai doman in doit inta mobogoi in porasaan moaman. Apa doman totaau soaḷ hikmat! Ki ine in oyúon intua yo mosaḷamat.

WAHYU 2:7

Ki ine in mokodongog, yo tarukiradon onu in pinoguman in Roho i Allah kon jamaat mita! Mosia inta mountung, ogoi-Ku mokaan kon bungai inta nongkon pangkoi in kobiagan inta nobiag kon taman i Allah.”

WAHYU 22:2

inta kon yua-yuak in kotá tatua. Kon bingkí posiḷosi in ongkag tatua oyúon in pangkoi mita in kobiagan inta nomungai kopuḷú bodoyowá in totaong, tobuḷan komintan. Daunnea pinaké nongundam kon bangusa mita.