AMSAL 3:11 - Alkitab Singog In Mongondow Masa In Tanaa

¹¹ Aka ki Tuhan mosambok kon inimu, adíku, baḻí intua tobatú tompoingat, bo dika tumorú in iko kon totundú-Nea tatua.

AMSAL 3:11 Mawu Ofanana

AYUB 4:5

Táe tanaa ikodon tontaní in kinotugatan in robonoḷ in gina; noitaḻikokog in iko, bo kinobuḻiandon in kamang.

AYUB 5:17

Nomujurdon totok in iko aka ki Allah nonoboḷow kon inimu! Dika moyaat in gina aka torúan-Nea in iko.

MAZMUR 94:12

Pia in kamang in intau inta sinundú-Mu, o Tuhan, intau inta sinundúan-Mu in hukum-Mu mita.

AMSAL 24:10

Aka iko kobuḻian in kamang kon dodai in kosisíannea, dá intaubí moyangkó in iko.

KORINTUS 1 11:32

Táe aka hukumon i Allah, yo tua in didikan-Neabí kon i naton, sinbá diá hukumon in kita moyotakin in dunia naa.

KORINTUS 2 4:1

Kami nogaid kon oaidan tanaa popisíbí in totabi i Allah. Tuamai in diábí moḻia-ḻiaw in gina nami.

ULANGAN 8:5

Toropdon kon ki Tuhan Allahmu motundú kon i monimu naonda bo ki amá motundú kon i adínea mita.

IBRANI 12:3

Toropka monimu naonda in kororiga i Yesus in sinumayow kon intau mita dinosa inta noramuji totok moḷawang kon i-Nia! Tuamai in umuranbí korigon in gina bo umuran moharap.

WAHYU 3:19

Intau mita inta kotabi-Ku, mosia tuata in toboḷowon-Ku bo sambokon-Ku. Manangka intua koropotdon in gina monimu bo pogogaidon in mogaid kon dosa mita.