AMSAL 3:10 - Alkitab Singog In Mongondow Masa In Tanaa

¹⁰ dá ontagmu mita in mopuḻingbí in gandum, bo tubig in anggurmu mobarongdon totok modapot in diádon in pobonuan kon tua.

AMSAL 3:10 Mawu Ofanana

TAWARIKH 2 31:10

Imang Moḷoben ki Azarya buí i Zadok in noguman, “Pinangkoipamai kon rayat nogatod kon sosumba mita monia kon Baḷoi Tuhan, kami in diá bidon kinodaitan in kaanon, nodapotbí in noiḻiudon, dá nobayongpa in tongkaaḷ in kaanon nami. Tua komintan in sinarimadon nami sin ki Tuhan in nomarakatdon kon umat-Nea.”

TAWARIKH 2 31:21

Sia in nokodapot kon oaidannea, sin bayongan inta inaidannea kon kopontingan in Baḷoi Tuhan andeka dumudui kon hukum mita i Tuhan, pinobayá takin ḻimbatú in gina bo takin doman tabi kon i Tuhan Allahnea.

MAZMUR 144:13

Igumon mako in ontag mita naton mopuḻing in bayongan bungai in boyó. Igumon mako in domba mita kon rawang mita naton mogadí modapot in puḷúan in ribu in kobayongnea.

AMSAL 19:17

Motuḷung kon intau bogá notongkaibí in nopoḷuan kon i Tuhan; bain ki Tuhan doman in motuḻí kon tua.

AMSAL 22:9

Intau inta mopia in gina barakatan i Tuhan, tuamai mosilai in sia kon rijiki kon intau inta kinodaitan.

YOËL 2:24

Dá gandum in buidon momonu kon tampat pomomugutan; anggur bo ḷana in zaitun in moiḻimpóbí nongkon pomomugutan.

HAGAI 2:19

Umpaka diádon in kiagat in gandum, bo pangkoi in anggur, pangkoi in ara, pangkoi in delima bo pangkoi in zaitun diápa nomungai, táe pinangkoi kon tanaa Akuoi in momarakatdon kon i monimu!”

MATIUS 10:42

Bo ki ine in mobogoi in tubig noanai inumon, umpakabí tongá topalo kon intau inta bogá naa, sin sia in dumodudui-Ku, poguman-Ku kon i monimu, popirisayabí kon sia tua in mokouḻíbí kon boḻi in pinogaidannea!”

ULANGAN 14:29

Kaanon tatua in ogoibí kon intau in Lewi sin mosia in diá kobutá, bo kon intau ango-angoi, adí uno-unon bo inta dongka boba-bobay inta nobiag kon kotámu mita. Mosia in motaaubí in mamangoi mogamá kon bayongan inta paraḷuon monia. Aka aidan monimu in natua, dá ki Tuhan Allahmu in momarakatbí kon bayongan onu inta inaidanmu.”

ULANGAN 28:8

Ki Tuhan Allahmu in momarakatbí kon totayakmu bo momonu in gandum kon ontagmu mita. Barakatan-Neabí in moiko kon butá inta inogoi-Nea kon inimu.