AMSAL 29:3 - Alkitab Singog In Mongondow Masa In Tanaa

³ Ki ine in moibog in hikmat, mokosanang kon gina i amánea. Ki ine in moyobayat in bobay sundaḷ mokopodait kon doitnea.

AMSAL 29:3 Mawu Ofanana

AMSAL 10:1

Naa in tonggina mita i Salomo: Adí inta mobijaksana in mokoyunggagá kon gina i amánea; adí inta bodok mokororiga kon gina i inánea.

AMSAL 15:20

Adí inta mobijaksana, mokosanang kon gina i amánea; adí inta mobodok diábí mohoromat kon i inánea.

AMSAL 21:17

Intau inta moibo-ibog mobarasanang in umuranbí kodaitan; intau inta imibo-ibog in mopomaké in onu inta kon inia yo diábí mobaḻí mooyúon.

AMSAL 21:20

Intau mobijaksana in tantúbí mobiag motompia bo mooyúon; táe intau bodok imibo-ibogbí in mopomaké in kapunyaannea.

AMSAL 23:15

Adíku, mosanangbí totok in akuoi aka mobijaksana in iko.

AMSAL 27:11

Adíku, pokobijaksanabí in iko, sinbá mosanang in ginaku bo mokotubag aka singkuḻeon.

AMSAL 28:19

Monononggobá inta simiḷopí in mogaid in diábí kodaitan in kaanon; intau inta diá motaau mopomaké in wakutu in kodaitanbí in kaanon.

AMSAL 28:7

Tayowmobiag inta dinumudui kon hukum in intaubí mobijaksana. Táe intau inta moyobayat in intau inta mourab in mokopooyábímai kon i amánea.

AMSAL 6:26

Bobay sundaḷ in motaaubí uboḻian in doit inta ná boḻi in kaanon topindan, táe monuaḻing takin buḷoi in intau ibanea in musti uboḻian in nyawa.

LUKAS 15:13

Tongonumaidon nosinggai noiduduimai nongkon tua, adí muit tatua nopotaḷui in bayongan silainea bodongka minayá in kotá inta moyayú. Kon tua sia in nopomaké in doitnea tatua inimibo-ibogbí.

LUKAS 15:30

Táe naonda in nobuidon mangoi ki adí i papa inta ain nokopodaitmai kon bayongan kapunyaan i papa takin bobay mita sundaḷ, yo sia in sinomu i papa bo pinorataan kon ki adí in sapi inta totok in moḷongó!’