AMSAL 28:4 - Alkitab Singog In Mongondow Masa In Tanaa

⁴ Ki ine in diá dumudui kon hukum, yo dinumotá kon intau moraat; ki ine in dumudui kon hukum moḷawang kon intau moromú;

AMSAL 28:4 Mawu Ofanana

DATU MITA IMITÁNEA 18:18

“Akuoi in deemanbí mononuyayow,” tubag i Elia, “táe ki tuang datubí tontaní. Ki Tuang datubí bo motoḷuadí i Tuang datu in mononuyayow. Pinongin mosumba kon berhala mita in Baal, Ki Tuang datu in iḻimimpatdon kon parenta mita i Tuhan.

DATU MITA IMITÁNEA 18:21

Bo ki Elia in dinimiug kon rayat tatua bo noguman, “Dapotpa in toonu in moiko umuran motoḻindua in gina? Aka ki Tuhan tua in Allah, yo sumbadon in ki Tuhan! Aka Baal tatua in Allah, yo sumbadon in Baal!” Rayat inta noyosipun kon tua in tongádon kibio-biómai.

NEHEMIA 13:15

Kon tungkuḷ intua inontongku in kon singgai in Sabat tongonumai in intau Yohuda nomugut kon anggur. Oyúon in intau ibanea in nodatog kon gandum, anggur, bungai in anggur, bungai in ara bo pakakat mita ibanea kon tudu in keledainea bo dinia pinobayá in Yerusalem. Diá inogoiku in mosia nopotaḷui kon Yerusalem.

NEHEMIA 13:28

Ki Yoyada in ki adí i Imang Moḷoben ki Elyasib, táe tobatú kon sigad i adí i Yoyada in nobaḻí mototaka i Sanbalat nongkon kotá in Bet-Horon. Tuamai ki Yoyada pinoguntunku nongkon Yerusalem.

MAZMUR 10:3

Intau moraat mongambungangaḷ kon onu in koibognea inta moraat, intau motamaa mongutuk bo mondoí kon i Tuhan.

MAZMUR 49:18

Sin kon tungkuḷ in matoi sia in diábí mokopodia kon onu bo onu, kapunyaan in diábí moponag kon poḷoḷobongan takinnea.

YEREMIA 5:30

Inta motoyang bo mokokoningkim in nobaḻídon kon butá tanaa:

MATIUS 14:4

Nokoimontandon in ki Yohanes nonoboḷow kon i Herodes, kai nia: “Diábí mopia aka iko motonibuḷoi i Herodias!”

MATIUS 3:15

Táe ki Yesus in notubag: “Pomayádon mako, diábí nongonu, sin natuabí in kita aka mogintompod kon bayongan inta kinoibog i Allah.” Dá binaptis domandon i Yohanes in Sia.

MATIUS 3:7

Tongá wakutu in sia nokoontong kon nobayong doman intau in Parisi bo Saduki in namangoi bo mokibaptis kon inia, siningognea nanaa in mosia: “Ei intau mita inta moraat. Ki ine in noguman kon moiko nion in kotaḻiban in hukuman i Allah inta kon singgai moiduduimai?

OUMAN IN RASUL MITA 12:22

Dá intau mita moantó kon tua in totok momaḷú in moguman, “Singogbí in dewa naa, deemanbí singog in intau!”

OUMAN IN RASUL MITA 15:2

Dá totok in binayowan i Paulus bo i Barnabas in guman in intau mita tatua. Pangabisannea sinantúdon sinbá ki Paulus bo ki Petrus takin tongonumai in intau nongkon Antiokhia mayá in Yerusalem mopoyosingog in soaḷ tatua takin rasul bo itoi mita kon tua.

OUMAN IN RASUL MITA 19:9

Táe oyúon doman in kon sigad monia tua in motogat in gina bo doí mopirisaya. Kon tayowon in intau moantó kon tua totokbí in mosia morebeg kon tomayá mita i Allah moposaḷamat kon intau podoyon kon pirisaya kon i Yesus. Tuamai in sinaḷáanmai i Paulus in mosia, bo minayá takin dumodudui mita i Yesus kon tampat pokokuliaan kon Tiranus. Kon tua pomuḷoi in singgai sia in mosisoaḷan takin intau mita kon tua.

SURAT I PAULUS KON JAMAAT RUM 1:32

Kinotaauanbí monia, kon podudui in hukum i Allah, intau inta mogaid kon bayongan tua in patusbí hukumon modapot matoi. Táe umpakabí natua yo aidanbí doman monia intua komintan; bo nodapotbí in aka intau ibanea in momia kon soaḷ mita ná inta inaidan monia tua yo mosatujubí doman i mosia.

EPESUS 5:11

Dika mogaid kon soaḷ mita inta diá baraguna ná inta inaidan in intau mita inta nobiag kon bonu in sindip. Táe inggamáaibí in aid mita inta diá mopia natua. (

TESALONIKA 1 2:2

Bo kinotaauan bidon monimu kon wakutu in kami diápa namangoi kon i monimu kon Tesalonika, kami in muna bidon pinogutú bo siningkuḻe kon kotá in Pilipi. Táe umpaka nobayong in intau moḷawang kon i nami, táe umuranbí inogoian i Allah naton in kabaranian in kami mopotaau kon i monimu in Habar Mopia inta nongkon i Allah.

YOHANES 1 4:5

Intau mita inta deeman totuu nabi tua in nongonguman kon soaḷ mita in dunia naa, bo onu in inouman monia tua indongoganbí in dunia naa.

YUDAS 1:3

Utat mita inta kinotabiku! Totuu kon oyúonbí in makusudku in nomais kon surat tanaa kon i monimu, tuata in soaḷ kasaḷamatan inta ain tumpaḷa kinorasaan naton. Kon soaḷ tanaa totokdon kon ginaku in momais kon surat kon i monimu bo mononggina sinbá moiko in umuran mokoporoton in kumadai kon onu inta ain pinirisaya monimu inta ain pinoyaput kon intau mita inta ain inoiní i Allah.