AMSAL 28:1 - Alkitab Singog In Mongondow Masa In Tanaa

¹ Intau moraat moḷagui umpaka diá in mogaḷow kon inia, táe intau motuḻid in gina, mobarani ná singa.

AMSAL 28:1 Mawu Ofanana

DATU MITA IMITÁNEA 1:49

Mokokiangoi mita i Adonia inangoiandon in ondok, dá mosia in sinimindogdon komintan bo minayá, minayádon kon inia-inia.

DATU MITA 2 7:15

Minayá in mosia nodapot kon Ongkag in Yordan. Kinoouput in daḷan nokoontong in mosia kon pakeang bo pakakat mita positabud. Bayongan intua pinogambatdon mako natua in intau mita in Siria kon dodai in mosia noḷagui. Totabá mita tatua in nobui bo nopotaau intua kon i datu.

NEHEMIA 6:11

Táe akuoi in notubag, “Akuoi naa in deemanbí intau inta moibog moḷagui. Saḷaku intau biasa diábí motaau in akuoi tumuot kon Baḷoi Tuhan, sin matoi in akuoi. Diá, doíbí in akuoi!”

AYUB 15:21

Singog mita inta motoyang inta mokobongoḷ kon bongoḷannea; kon tungkuḷ in noingongow mogogagow namangoi nonubu kon inia.

MAZMUR 112:7

Sia in diábí moondok in motarima kon habar diá mopia, ginanea in morotonbí popisí in mopirisaya kon i Tuhan.

MAZMUR 53:5

Guman i Tuhan, “Diá degá moratak in intau mita moraat tatua? Mosia in nobiag in onu inta inagow kon umat-Ku, bo diá kon dodai in onda in nosambayang kon i-Nakó.”

MAZMUR 53:6

Intau moraat in totokbí in angoian in ondok, bokaka diábí in mokoondok, sin ki Allah in moporaritbí in tuḷan in intau inta nongopung kon i monimu; mosia in kinodoídon i Allah, dá taḷowonbí monimu in mosia.

IḶUAIAN 11:8

Kinotontumiannea ki Musa noguman, “Komintan pogawai moḷantud i Tuangku in mamangoibí bo tumungkud kon tayowonku bo mopoigum sinbá akuoi bo bangusaku in monaḷámaidon kon butá tanaa. Mopaḷut mako kon tua akuoi in mayádon.” Bo sinumorú totok in ki Musa bo nonaḷámai kon i datu.

AMSAL 10:9

Intau motuḻid, moaman in kobiagannea; intau inta monguboḷ in kotaauanbí.

AMSAL 27:27

Nongkon bembému mita ibanea iko in mokouḻí kon susu pakéonmu bo pakéon in motoḷuadímu takin bobantungmu mita.

YESAYA 30:17

Toribu in intau in moḷagui mokoontong kon gogondok in musung tobatú, bo gogondok in intau ḻima mokopopisí kon i monimu moḷagui komintan. Nongkon tontaramu mita tongádon tobatú in oigi in bandera kon tudu in buḷud.

YESAYA 7:2

Kon dodai in ki datu in Yohuda nokodongog kon tontara in Siria in sinumuotdon kon butá in Israel bo nobaḻídon totakin, sia takin bangusanea totokdon in noondok, nodapot in gugurdon mako in mosia naonda bo pangkoi in kayu inta dinandú in tompot.

YEREMIA 20:4

Ki Tuhan tontaní in noguman, ‘Iko in baḻíon-Ku sindoyó kon inimu tontaní bo kon i yobayatmu mita. Iko in mokoontongbí kon i monia in ḻimodon in musung monia. Bayongan in intau in Yohuda in pomayá-Kubí mako in kawasaan in datu in Babel; tongosilai kon i monia in akuton nobaḻí intau dinakop pobayá in Babel, bo ki agatnea in ḻimodon.

IMAMAT 26:17

Hukumon-Ku in moiko, modapot in moiko taḷowondon in musungmu mita moiko kawasaandon in intau mita inta mosaturu kon i monimu. Agían totok in ondok moiko dapot in moḷagui moiko, umpaka diá in mogaḷow.

IMAMAT 26:36

Intaumu mita inta kon pinoḷumbúanpa kon butá intau, popogonúan-Kudon in ondok moḷoben, modapot in umpaka tongá singog in daun irupon tompot yo poḷaguian monia. Moiko in moḷagui naonda bo inaḷowan kon bonu in parang, bo moḷabú umpaka diá in musung kon diugmu.

OUMAN IN RASUL MITA 14:3

Manangka intua ki Paulus bo ki Barnabas in nogutun noḻin onggot kon tua. Bo umuranbí nobarani in mosia in nongonguman kon soaḷ ki Tuhan. Dá pinoniatadon i Tuhan kon habar inta pinotaau monia soaḷ totabi-Nea tatua in totuubí; mosia in inogoian-Neadon in kawasa mogaid kon soaḷ mita inta mokoherang bo inta diá komampuan in intau aidan.

OUMAN IN RASUL MITA 4:13

Intau mita kon tua inta nosidang kon i Petrus bo kon i Yohanes noherang totok in nokoontong kon kobobarani nayadua, bokaka kinotaauanbí monia kon taya dua tua in intaubí inta diá nosikoḷa. Bain tua bo kinotoropan monia kon taya dua tua in dumoduduibí i Yesus.

ULANGAN 28:25

Aka moiko diá motoindudui kon i Tuhan Allahmu, baḻíon-Nea in moiko taḷowon in musungmu mita. Motompiabí in pononubú monimu, táe posibayádon in moḷagui. Bayongan in bangusa kon dunia mokoningkimdon mokoontong kon kososoemu.

ULANGAN 28:7

Aka moiko tubuon, ki Tuhan in monaḷow kon musungmu. Motompia in pononubú monia, táe moḷaguibí posibayá.

TESALONIKA 1 2:2

Bo kinotaauan bidon monimu kon wakutu in kami diápa namangoi kon i monimu kon Tesalonika, kami in muna bidon pinogutú bo siningkuḻe kon kotá in Pilipi. Táe umpaka nobayong in intau moḷawang kon i nami, táe umuranbí inogoian i Allah naton in kabaranian in kami mopotaau kon i monimu in Habar Mopia inta nongkon i Allah.