AMSAL 27:8 - Alkitab Singog In Mongondow Masa In Tanaa

⁸ Intau inta monaḷámai kon baḷoinea, in naonda bo ḷagapan inta nonaḷámai kon pugadnea.

AMSAL 27:8 Mawu Ofanana

KINOBAḺIAN 21:14

Nobangon monik doḷo-doḷom, ki Abraham nobogoi in kaanon bo botutu kuḻit binonuan in tubig sin baḷun monia kon daḷan. Pinopobabaneadon kon i Hagar in adí tatua, bodongka pinotabánea minayá in bobay tatua. Ki Hagar in nobuatdon bo minayá nongin padang gurun Bersyeba.

KINOBAḺIAN 4:16

Bo minayádon in ki Kain nongkon tayowon i Tuhan bo nogutun kon butá inta tangoinea “Pinoḷaḻean” kon dotá in pomukaan nongkon Eden.

DATU MITA IMITÁNEA 11:22

“Eta nongonu uḻe?” ki datu noḻibó. “Eta onupa degá in diá in kon inimu, moiyaput in moibogpa in iko mobui kon butámu?” “Diábí in diá in kon inakó,” tubag i Hadad, “táe pomayápa mako in akuoi mayá.” Dá nobuidon in sia kon butánea tontaní.

DATU MITA IMITÁNEA 19:9

Kon tua in ki Elia nosiug in doḷom tua kon angob. Bo ki Tuhan in noguman kon inia, “Elia, onu in aidanmu kon naa?”

AMSAL 21:16

Intau inta diá dinumudui kon kobobiag inta mopia, notantúbí kon modapot in dunia in intau minatoi.

AMSAL 26:2

Ná ḷagapan inta iḷumayug bo modondaḷoi kon ḷokutoi, natua doman in odi-odi diábí moitugat kon intau inta diá kotaḷá.

AMSAL 27:7

Aka mobotug, umpakabí biluk yo diábí tarimaan; aka gogoyon, umpaka pait mopira in konanaman.

YESAYA 16:2

Intau mita in Moab nogoḷat kon bingkí in Ongkag in Arnon sindaḷan maya-mayá takin notoboḻingo naonda bo ḷagapan inta inuntun nongkon pugadnea.

YUNUS 1:3

Táe ki Yunus in tongábí minayá in kotá ibanea sin yumayú kon i Tuhan. Sia in minayá in Yope, noikoḷatbí nokouḻí kon kapaḷ inta mopobayá in Spanyol. Naonda in noguboḻi mako kon tondan in takoiannea, sinumakoidon in sia kon kapaḷ, bo dongka iḷumeag noyotakin in intau mita in kapaḷ nopobayá in Spanyol, sin yumayú kon i Tuhan.

KORINTUS 1 7:20

Tuamai, kobiagdon moiko ná kon dodai in inoiní i Allah.

YUDAS 1:13

Mosia notongkai doman in bokoḷ moropot kon dagat inta mokopomuká kon burá, natua in mosia monomburá kon oaid mita monia inta mokooyá. Mosia tua in ná doman onda bo mahaḷuk mita inta modondaḷoi magí mako bo inta ain pinosadiaan i Allah kon tampatnea kon bonu in tampat inta totok in mosindip modapot in kopaḷutannea.

SAMUEL 1 22:5

Kon singgai tobatú nabi tobatú inta ki Gad in tangoinea namangoi kon i Daud bo noguman, “Dika mogutun mako kon angob tanaa, ḷagidon bayá kon butá in Yohuda.” Bo minayá domandon in ki Daud bo sinumuot kon kayuon in Keret.