AMSAL 27:4 - Alkitab Singog In Mongondow Masa In Tanaa

⁴ Torú tua in moromú bo mokorimumud, táe tumayow kon intoi ki ine in mokoigon?

AMSAL 27:4 Mawu Ofanana

KINOBAḺIAN 26:14

Intau mita in Pilistin nointoidon kon inia popisí in noantódon in bobantungnea takin domba bo sapinea.

KINOBAḺIAN 37:11

Ki guya-guyang mita i Yusup nointoidon kon inia, táe ki amánea umuran moraimai kon togoindop tatua.

KINOBAḺIAN 38:9

Táe kinotaauan i Onan kon aka oyúondon in adínea yo deemanbí sia in kitogi gadí kon tua mita. Dá, pomuḷoi in sia mosiugdon moyotakin i baḷú i guya-guyangnea tatua, tongá tantúnea ḷumbúon kon ḷuai in tubignea sinbá ki guya-guyangnea diá mokouḻí kon buí.

AYUB 5:2

Tongábí intau inta bodok in matoi dinia in nakit in ginanea.

AMSAL 14:30

Gina moonow mokosehat kon awak; intoi naonda bo takit inta mokopatoi.

AMSAL 27:3

Batu bo bungaion tua in mogaanpabí, aka poyobandingonmai in nakit in gina popisí in intau bodok.

AMSAL 6:34

Sin, pinongin oaidnea tatua ki buḷoi in bobay tatua moyaat in ginanea, dá torúnea moitagabdon totok. Bo aka motuḻí in sia, yo diábí in tabinea.

DONDONG MOḶANTUD 8:6

Baḻídon in akuoi batoḷ in dodobmu, dikabí mokoyot kon i ineka koḻikudbí in akuoi; sin tabi tua in ná koropot in popatoi, bo ibog in awak mongawasa naonda bo popatoi. Dokotnea naonda bo dokot in tuḷú inta modokot moborambang totok.

MATIUS 27:18

Ki Pilatus in noḻibó natua sin kinotaauanneadon kon dinia mangoi monia in ki Yesus bo pinosarakan popisíbí in mosia mointoi kon i-Nia.

OUMAN IN RASUL MITA 17:5

Táe nokoontongmai kon natua, intau mita in Yahudi totok nongointoi. Dá nogoinídon in mosia kon bayongan intau moraat kon tua inta tongá umuran moyo-moyosipun sin diá kooaidan bo pinarenta monia nongacau kon bayongan kotá kon tua bo minayá nonuntun kon baḷoi i Yason intau inta nopirisayadon kon i Tuhan Yesus poḷat notayak kon i Paulus bo kon i Silas sin bayáan potayow kon intau moantó.

OUMAN IN RASUL MITA 5:17

Pangabisannea imang mita moḷoben bo dumodudui mita monia inta intau mita nongkon golongan Saduki in momangkoidon moyaat in gina popisí mointoi.

OUMAN IN RASUL MITA 7:9

Táe popisí in mointoi kon i Yusup dá mogoguyang naton ibanea tua in nopotaḷui kon i Yusup kon intau in Mesir, táe umuran sinakinan i Allah in sia,

SURAT I PAULUS KON JAMAAT RUM 1:29

Gina monia in nopuḻingdon yagi-yagi inta moraat, inta diá nobanar, moturá, aid mokotor, yoyaatan gina; ibog moḻimod, ibog moropatoi, ibog monguboḷ bo motagú kon gina bo moibo-ibog doman mongonguman kon soaḷ intau ibanea,

YOHANES 1 3:12

Donaaibí in kita ná ki Kain, inta nobaḻí ki adí in Ibilis bo noḻimodon kon i utatnea tontaní. Nongonu sin ki Kain in noḻimodbí kon i utatnea? Popisíbí in soaḷ mita inta pinomianea in nongoitaḷá, táe soaḷ mita inta pinomia i ai-ainea in noitutui.

SAMUEL 1 18:9

Pinangkoidon kon singgai tua mointoi in sia kon i Daud.