AMSAL 27:18 - Alkitab Singog In Mongondow Masa In Tanaa

¹⁸ Ki ine in monompia kon pinomuḷa, yo mokaanbí kon bungainea. Bobantung in kotabibí doman aka motabi kon i tuangnea.

AMSAL 27:18 Mawu Ofanana

DATU MITA 2 18:31

Dika indongogan in ki Hizkia. Akuoi, datu in Asyur in moguman kon i monimu sinbá ḷumuai nongkon kotá bo tumungkudon. Bá moiko in motaaudon mokaan kon bungai in anggur nongkon gobámu tontaní, bo mokaan kon bungai in ara nongkon pangkoi in aramu tontaní, poḷat monginum kon tubig nongkon parigímu tontaní,

DATU MITA 2 3:11

Ki Datu Yosapat in noḻibó, “Diá degá in nabi kon naa inta motaau moḻibó kon i Tuhan mongo onu in musti aidan naton?” Porwira tobatú inta nongkon tontara i Datu Yoram in notubag, “Oyúon in ki Elisa ki adí i Sapat! Dungkuḷmai sia tua in mobobantung i Elia.”

DATU MITA 2 5:25

bo sinumuotdon bui in sia kon baḷoi. Ki Elisa in noḻibó, “Nongkon onda in iko?” “Diábí minaya-mayá mako in onda, Tuang” tubagnea.

DATU MITA 2 5:27

Popisí in iko in notarima kon tombuinag tatua, dá tarimaanmu domandon in takit i Naaman. Bo modapotbí in buímu umuran mononoi in mokouḻí kon takit natua!” Naonda in ki Gehazi iḻumuai nongkon tua, nokouḻídon in sia kon takit in kuḻit – kuḻitnea in nobaḻídon nobudó totok.

ESTER 6:11

Bo ki Haman in nogamá kon ḷambung bo kabaḷo tatua bo nopopaké kon i Mordekhai. Naonda in ki Mordekhai sinumakoi kon kabaḷo tatua, dinia i Haman in sia pinoḻibu kon rawang in kotá, sindaḷan momaḷú, “Indoiai, nanaa in aid i datu mobogoi in ponghargaan kon intau inta ihoromatnea!”

MAZMUR 123:2

Naonda bo ata tobatú mongamang mako kon i tuangnea, bo ata bobay ata mogoḷat mako kon i tuangnea bobay, natuata in kami mogoḷat mako kon ini-Mu, o Tuhan, Allah nami, modapot in Iko monotabi kon inami.

IḶUAIAN 24:13

Ki Musa bo ki Yosua oḻitnea tatua noposadiadon, bo ki Musa in notakod kon buḷud pinogutunan i Tuhan tatua.

AMSAL 17:2

Bobantung inta mopandoi in mongawasabí kon adí inta moḷawang; bo motarimabí kon tonsilai moyotakin i utat mita in adí tatua.

AMSAL 22:29

Nokoimontandon degá iko in nokoontong kon intau inta mopandoi nogaid kon oaidannea? Intau tatua in pokiaidanbí kon komaḻig in datu mita, deemanbí kon baḷoi in intau biasa.

AMSAL 27:17

Naonda bo uwaja mogatá kon uwaja, natua doman in intau mobalajar kon tumpaḷa intau.

AMSAL 27:19

Naonda bo tubig inta mopoontong in oḻinowmu, yo natua doman in ginamu moponiata mongo ki ine in iko.

DONDONG MOḶANTUD 8:12

bo nokouḻí kon doyowa nogatut ponondan kon pinogaidannea. Biódon mako in doit tatua kon inimu, Salomo, bo kon intau mita inta noḷukad kon gobámu. Táe gobá in anggurku, kapunyaanku tontaní, oyúon kon tayowonku.

YESAYA 36:16

Dika indongogan in ki Hizkia! Akuoi, ki datu in Asyur moguman kon i monimu sinbá ḷumuai nongkon kotá bo tumungkud. Bain moiko motaau mokaan kon bungai in anggur nongkon gobámu tontaní, bo mokaan kon bungai in ara nongkon pangkoi in aramu tontaní, poḷat doman monginum kon tubig nongkon parigímu tontaní,

MATIUS 24:25

Tarukira inta pinoguman-Ku muna kon i monimu.

MATIUS 24:46

Yo kosanangdon totok in simpaḷ inta kinotambakan mangoi i tuangnea koyogot in nogaid kon oaidannea tua, wakutu in ki tuangnea nobuidon mangoi.

MARKUS 10:43

Táe moiko in diábí motaau momia natua! Táe aidai in naa, intau inta moibog mobaḻí moḷoben kon sigad monimu, sia in musti mobaḻí bobantungmu.

LUKAS 12:37

Momujur totok in bobantung mita inta kinotambakanmai i tuangnea umuran mogoḷat mako kon koangoian i tuangnea tatua. Pirisayabí: ki tuang tatua in baḷúbí mobasadia bo moguman kon bobantungnea mita tatua ḻimitú, bo siapa tontaní in mobantung kon i monia.

LUKAS 12:42

Ki Tuhan in notubag, “Ki ine in bobantung inta mosatia bo mopandoi, sahingga pomiaan i tuangnea itoi kon sigad in bobantungnea mita ibanea, sinbá sia mobogoi in kaanon kon i monia aka wakutuneadon?

LUKAS 19:17

Dá ki tuang tatua in notubag, ‘Mopia intua, iko in bobantung inta mopia! Sin iko motaau pirisayaan kon oaidan inta mointok. Tuamai in baḻíonkudon iko pongawasa kon mopuḷú in kotá.’

YOHANES 12:26

Intau inta moibog mogaid kon oaidan-Ku musti dumudui kon i-Nakó kon ondakabí in bayáan-Ku; sinbá kon onda in bayáan-Ku yo kon tua doman in sia. Intau inta mogaid kon oaidan-Ku horomatonbí i Amá-Ku.”

OUMAN IN RASUL MITA 10:7

Naonda in minayádon malaekat inta noguman kon i Kornelius tua, ki Kornelius in nogoiní kon bobantungnea doyowa bo tontara tobatú inta totok in motoindudui.

KORINTUS 1 3:8

notongkaibí in taya dua tua, tongábí tumpaḷa motarima kon boḻi in ḷopí monia.

KORINTUS 1 9:13

Kinotaauanbí monimu kon intau inta mogaid kon bonu in Baḷoi i Allah, motarimabí in mosia kon kaanon kon bonu in Baḷoi i Allah doman tatua. Bo intau inta monompiamai kon tampat pororataan kon kuruban sosumba, mokouḻíbí doman in sia kon silainea nongkon kuruban inta pinosumba tatua.

KORINTUS 1 9:7

Diábí in tontara in mayá moparang bo umongkos tontaní! Bo diábí doman in monononggobá inta nomuḷa kon anggur táe diá mosipú kon bungainea! Bo diábí doman in intau inta nomiag kon domba bo diá monginum kon susu nongkon domba inta piniaranea tatua!

KOLOSE 3:22

Utat mita inta nobaḻí ata! Kon bayongan in rupa-rupa duduiaibí onu in pokiaid i tuangmu kon dunia naa. Deemanbí dumudui aka koontonganpa mako monia sinbá dayowon in moiko. Táe duduiaibí in mosia takin gina motuḻid lantaran horomatmu kon i Tuhan.

TIMOTIUS 2 2:6

Tobatú monononggobá inta umuran moramuji totok, tantú siabí in muna-munamai mokaan kon bungai in pinomuḷanea tatua.

PETRUS 1 2:18

Utatku mita inta nobaḻí bobantung, kotoinduduibí kon i tuangmu bo totu-totuudon horomat in mosia; deemanbí tongá kon i monia inta mopia in gina bo mobahasa, táe kon i moniabí doman inta morogi.

PETRUS 1 2:21

Sin tuabí in mangaḻe pinogoinían i Allah kon i monimu. Sin ki Kristus tontaní ain notarima kon roriga lantaran moiko, bo tua in toḷadanbí kon i monimu sinbá duduian monimu in onu inta pinomia-Nea tatua.

SAMUEL 1 2:30

Akuoi, ki Tuhan Allah in Israel, koḻipod ain nodandi, kon motoḷuadímu bo bui inanakanmu in mogundoi kon i-Nakó mobaḻí imang mononoi. Táe tanaa in kinodoí-Kudon intua! Sin ki inta mohoromat kon i-Nakó in horomaton-Kubí táe inta mopoonagmai kon i-Nakó, in pokoonag-Kubí doman.