AMSAL 26:6 - Alkitab Singog In Mongondow Masa In Tanaa

⁶ Mopotabá kon intau bodok pokidiaan in habar, in notongkaibí in momutoḷ kon sioḷ tontaní bo motayak kon bodito.

AMSAL 26:6 Mawu Ofanana

AMSAL 10:26

Dika mopotabá kon intau maḷat, tongábí in sia mokonapusu, naonda bo boil mokonilu kon ingipon andeka poyok mokopomporí kon mata.

AMSAL 13:17

Totabá inta diá mobanar mokopoangoi kon bodito; totabá inta motaau pirisayaan in modia kon inta mopia.

AMSAL 25:13

Totabá inta motoindudui in mokosanang kon intau inta nopotabá, naonda bo tubig moonow kon mororatab kon gobá in tudunea.

AMSAL 26:5

Ḷoḻibó inta mobodok mustibí tubagan in tontubag inta mobodok doman, sinbá ki inta moḻibó in monotaaudon kon diábí in sia mopandoi ná inta kon raiannea.

AMSAL 26:7

Naonda bo intau ḻempeng mopoḷampang in sioḷnea, natua doman in intau bodok inta mononggina.

PINOGIAPAN 13:31

Táe intau mita inta nobui mangoi takin i Kaleb tatua noguman, “Diá, kita diá mokosanggup in monubu kon i monia. Intau mita kon butá tatua in moropo-ropot nongkon inaton.”