AMSAL 26:25 - Alkitab Singog In Mongondow Masa In Tanaa

²⁵ Umpaka mobahasa mako in sia, yo dikabí pirisayaan; sin yaatnea ain nongawasa kon ginanea.

AMSAL 26:25 Mawu Ofanana

NEHEMIA 6:2

Dá ki Sanbalat bo ki Gesyem nokidia mangoi in undangan kon inakó sinbá mamangoi moyodungkuḷ monia kon ḻipú tobatú kon Ḷopá in Ono. Táe kinotaauanku kon mosia tua in moniat mopobodito kon inakó.

MAZMUR 12:2

Tuḷungaipa kaasí in kami, o Tuhan, sin diádon in intau mopia, intau inta mosatia kon ini-Mu ain noyopú.

MAZMUR 28:3

Dikabí moyompat kon inakó poyotakinon in intau moromú, moyotakin in intau inta nogaid kon inta moraat. Mopia in potosingog monia, táe gina monia in nopuḻing in moraat.

AMSAL 23:7

Sin, sia in moguman, “Igai mongaan; podugangpabí,” bokaka makusudnea in deemanbí natua. Mopia in singognea, táe toposibí in kon ginanea.

AMSAL 26:23

Naonda bo kuyon butá sinopuan in saḷaka, natuata in intau inta mopia kon singog, táe moraat kon gina.

YEREMIA 12:6

Iko in pinomaḻidawandon noidapot in ki utatmu tontaní; mosia in dinumudui doman nonubu kon inimu. Dikabí mopirisaya kon i monia, umpaka mopia in singog monia.”

MIKHA 7:5

Dikadon mopirisaya kon topodiugmumai, dikadon umandoḷ kon yobayat. Mokopoingatdon in mosingog umpakabí ki buḷoimu tontaní in mokodongog.

MATIUS 24:23

Kon wakutu intua aka oyúon intau moguman kon i monimu, ‘Indoiai, ki Mesias kon naa!’ andeka ‘Ki Mesias kon tua!’ – dika mopirisaya in moiko.

SAMUEL 1 18:17

Ki Saul nonomayá kon bá ki Daud ḻimodon in intau in Pilistin kon bonu in parang sinbá deemandon sia tontaní in moḻimod kon inia. Dá kon singgai tobatú noguman in ki Saul kon i Daud, “Ki Merab ki adíku bobay guya-guyang, potonibuḷoiku takinmu, asaḷ bo poontongmupa in koḷoḷakimu kon bonu in parang sin kopontingan i Tuhan.”