AMSAL 26:23 - Alkitab Singog In Mongondow Masa In Tanaa

²³ Naonda bo kuyon butá sinopuan in saḷaka, natuata in intau inta mopia kon singog, táe moraat kon gina.

AMSAL 26:23 Mawu Ofanana

AMSAL 10:18

Intau inta mobuni kon yaat in gina yo sia in intaubí mouboḷ. Intau inta moponapud magí mako in uboḷ in intaubí dondunguḷ.

AMSAL 23:7

Sin, sia in moguman, “Igai mongaan; podugangpabí,” bokaka makusudnea in deemanbí natua. Mopia in singognea, táe toposibí in kon ginanea.

AMSAL 25:4

Daritaipa muna in saḷaka nongkon utagnea, baintua bo inta mopira in motaau aidan in mongongurig.

AMSAL 26:25

Umpaka mobahasa mako in sia, yo dikabí pirisayaan; sin yaatnea ain nongawasa kon ginanea.

AMSAL 27:6

Yobayat in mopomongkug in tabi, táe musung in monggakap takin bisa.

YEHEZKIEL 33:31

Mosia in namangoi moyo-moyokapung bo saḷaku umat-Ku ḻimitú in mosia mokidongog kon tosingogonmu mita, táe onu in pokiaidmu diábí duduian monia. Bibig monia in moguman kon tosingogon mita motabi, táe gina monia in tongábí morai kon kauntungan.

MATIUS 23:27

Koboditodon in moiko, ei mototundú mita kon agama in Yahudi bo intau mita in Parisi! Ei intau mita inta mongomunapik! Moiko in naonda bo poḷoḷobongan inta cinet nobudó; kon dotá in ḷuainea ontongan mopira bo modarit, táe kon bonunea nopuḻing in tuḷan bo noyagi-yagimai in kotoran.

LUKAS 11:39

Tuamai ki Tuhan in nosingog kon i-Nia nanaa, “Moiko intau in Parisi totuubí kon aka palo bo pindan yo yuyúanbí monimu dotá in ḷuainea, táe bonu in gina monimu nopuḻing in raian inta diá mopia. Mongoraat bo mongotogat in gina in moiko.