AMSAL 26:16 - Alkitab Singog In Mongondow Masa In Tanaa

¹⁶ Intau maḷat in monganggap kon siabí in motaa-taau nongkon intau pitu inta moitutui in pinototubag.

AMSAL 26:16 Mawu Ofanana

AMSAL 12:15

Intau dondunguḷ in diábí mokoimontanmai in monotaau kon sia in noitaḷá, táe intau mobijaksana moibog mokidongog kon tonggina.

AMSAL 26:12

Intau inta totok in bodok in mopia-piabí kon intau inta tumangoi mopandoi.

AMSAL 27:11

Adíku, pokobijaksanabí in iko, sinbá mosanang in ginaku bo mokotubag aka singkuḻeon.

AMSAL 6:6

Intau inta maḷat mustibí monaridi kon kobobiag in toyom bo mobalajar kon inia.

PETRUS 1 3:15

Táe kon bonu in ginamu, musti in moiko mobogoi in ponghoromatan tontaní inta moyokaan in kadudukan-Nea saḷaku Tuhan. Bo umuran pobasadia in motubag kon intau mita inta moibog mopoḻibó-ḻibó kon soaḷ inta nobaḻí dodoyonan in pirisaya monimu.