AMSAL 24:7 - Alkitab Singog In Mongondow Masa In Tanaa

⁷ Intau bodok in diábí mokodoḷop kon hikmat. Sia in diábí mokosingog kon onu bo onu aka intau koyogot in mongonguman kon inta moponting.

AMSAL 24:7 Mawu Ofanana

AYUB 31:21

Aka kuma bo akuoi in nokoimontandon nopororigamai kon uno-unon, sin moyakin kon mountungbí in kon pelekaraku,

AYUB 5:4

Dá ki adínea mita in diábí nokoimontanmai in sinuḷungan; doíbí in moibog moduḷu kon i monia kon pongadilan.

MAZMUR 10:5

Intau moraat mokodapot kon bayongan inta iḷongasinea; sia in diábí nonotaau andeka nomangaḻe kon hukum i Tuhan bo mopoompámai kon bayongan in musungnea.

MAZMUR 127:5

Pia in kamang totok in intau inta oyúon in tongkaaḷ piot mita ná tatua! Sia in diábí taḷowon, kon dodai in moyogintayow in musung kon pongadilan.

AMSAL 14:6

Intau moḷoḷatú in diábí mobaḻí mobijaksana, táe intau mopandoi motoyongbí in pobalajarannea.

AMSAL 15:24

Intau mobijaksana dumudui kon daḷan monakod inta mopobayá in kobiagan; deemanbí daḷan mosiḻig inta mopobayá in popatoi.

AMSAL 17:16

Diá baraguna in intau bodok mokopodait kon doit motayak kon hikmat, sin sia in diábí koraian inta mosehat.

AMSAL 17:24

Inta batukon in intau mopandoi in tongábí bá mokouḻí kon hikmat, táe inta batukon in intau bodok in diá motantú.

AMSAL 17:7

Intau inta ihoromat in diábí patus mosingog kon uboḷ; intau bodok diábí patus mosingog kon tosingogon mita inta baraguna.

AMSAL 22:22

Dikabí moporugimai kon intau bogá, tongá popisí in sia moyangkó; bo kon sidang pongadilan dika mogagow kon hak in intau inta diá kodaya.

AMSAL 28:5

Inta moadil in diábí kotaauan in intau binaradosa, táe intau inta mosumba kon i Tuhan, totu-totuubí kon nonotaau.

AMSAL 31:23

Ki buḷoinea ḷoḷaki in intau inta ponango-nangoian intau tobatú kon sigad in itoi mita in kotá.

YESAYA 29:21

intau inta moibog moponapud in uboḷ, intau inta moḷamboi kon intau moraat in hukumon, bo intau inta mongonguman magí mako kon ouman uboḷ sinbá intau motuḻid diá mokouḻí kon inta moadil.

YESAYA 32:6

Intau bodok mosingog kon tosingogon inta mobodok bo monomayá kon inta moraat. Onukabí in aidan andeka inta singogonnea in nobaḻí bidon singkuḻe kon i Allah. Diábí kon dodai in onda in sia mobogoi in kaanon kon intau inta gogoyon andeka oinumon kon intau inta morogang.

AMOS 5:10

Moiko in doí kon intau inta monayow kon inta diá moadil bo inta mosingog kon totuu kon bonu in pongadilan.

AMOS 5:12

Kinotaauan-Ku kon totuudon moḷoben in aidmu moraat bo totuu mobayong in dosamu. Moiko in mondorot kon intau mopia; moiko in motarima kon sogó inta mopomayá mako kon intau bogá inta pinopoaidan in intau diá moadil kon pongadilan.

AMOS 5:15

Kodoídon in inta moraat, kotabidon inta mopia, bo posindogdon in inta moadil. Dika-dika bo ki Tuhan in motabidon kon intau mita inta kiagatneapa nongkon bangusa in Israel.

KORINTUS 1 2:14

Intau inta diá kinawasa in Roho i Allah, doíbí mopirisaya kon onu inta ain inaidan in Roho i Allah tatua. Diábí komangaḻean monia intua komintan, koḻikudbí in aka mopirisaya in mosia kon i Allah.