AMSAL 24:4 - Alkitab Singog In Mongondow Masa In Tanaa

⁴ Bo aka oyúon in sinotaau, dá gopotnea mita in kobonuan mopuḻing in pakakat mita inta koboḻi bo mogaga.

AMSAL 24:4 Mawu Ofanana

NEHEMIA 10:39

Rayat in Israel bo intau mita in Lewi in mustibí modia kon sumbangan inta motantú ná gandum, anggur bo ḷana in zaitun kon gopot mita inta pinotagúan kon kokaanon mita inta nobaḻí pototagúan mita kon pakakat mita in Baḷoi Tuhan. Kon tua doman in pogogutunan in imang mita inta koyogot in mopobayá in oaidan monia, moḷoḷukad mita kon ngara in Baḷoi Tuhan bo mododondong mita. Kami in diábí ḷumaḷoi in monompia kon Baḷoi Tuhan nami.

AYUB 28:10

Kon dodai in sia nomia kon bubú poḷambai kon buḷud batu, nokouḻí in sia kon permata inta totok in mopia.

AMSAL 15:6

Kon baḷoi in intau mopia mobarong in kaoyúonan; kaoyúonan in intau moraat iyompat in bodito.

AMSAL 20:15

Tosingogon mita inta tombonunea in sinotaau, in momaha-mahaḷbí nongkon buḷawan bo berlian.

AMSAL 21:20

Intau mobijaksana in tantúbí mobiag motompia bo mooyúon; táe intau bodok imibo-ibogbí in mopomaké in kapunyaannea.

AMSAL 24:5

Intau mobijaksana in mokobangka-bangkaḷ nongkon intau inta moropot; sinotaau in moponti-ponting nongkon ropot.

AMSAL 8:18

Kon inakó in sinadiabí in kaoyúonan, kahoromatan bo kobiagan inta motompia.

AMSAL 8:21

Intau inta motabi kon inakó, baḻíonku mooyúon; puḻinganku in baḷoinea in kaoyúonan.

MATIUS 13:52

Dá ki Yesus in noguman kon i monia, “Pomuḷoi in intau inta monotaau totok kon atorang i Musa bo notarima kon totundú kon naonda in ki Allah momarenta tua, yo sia in naonda bo ki togi baḷoi inta nopoḷuai in pakakatnea nobagu bo inta nokoyongan nongkon tampat inta pinotagúannea.”