AMSAL 24:2 - Alkitab Singog In Mongondow Masa In Tanaa

² Mosia in tongábí morai kon inta moraat bo tongá mongonguman kon onu inta mokobodito.

AMSAL 24:2 Mawu Ofanana

AYUB 15:35

Tuata in mosia inta nonomayá kon inta moraat bo mopoaid intua; uboḷ in umuranbí oyúon kon bonu in ginanea.”

MAZMUR 10:7

Sia in umuranbí mongutuk, mopogogondok bo monguboḷ, singognea mita in nopuḻingbí in yaat in gina bo inta moraat.

MAZMUR 140:2

Poḷuatdon in akuoi nongkon intau moraat, o Tuhan, ḷukadaidon in akuoi nongkon intau inta moḻingá.

MAZMUR 28:3

Dikabí moyompat kon inakó poyotakinon in intau moromú, moyotakin in intau inta nogaid kon inta moraat. Mopia in potosingog monia, táe gina monia in nopuḻing in moraat.

MAZMUR 36:4

Tosingogonnea mita in moraat bo nopuḻing in tompobaḻik, sia in diá bidon mogaid kon inta mopia bo mobijaksana.

MAZMUR 38:12

Yobayatku mita yumayú popisí in panyakiku, nodapot in ginaḷum bo utatku yumayú kon inakó.

AMSAL 1:10

Aka intau binaradosa monongganut kon inimu, adíku, dikabí duduianmu in tongganut monia.

AMSAL 24:8

Intau inta tantú monomayá kon inta moraat, tangoionbí mopoporopatoi.

AMSAL 6:14

Raiannea inta moraat nopuḻing in tomayá moraat bo mokopomuká kon rogenggeng kon bayongan in tampat.

YESAYA 30:12

Tuamai Allah mokudus in Israel moguman nanaa, “Moiko in doí motarima kon tosingogon-Ku bo mopongata in aid mondorot bo mouboḷ.

YESAYA 59:4

Moiko in nopongadu in pelekara takin diá in dodoyonan bo nohakim takin diá moadil. Moiko in nonguboḷ bo mopongata kon inta diá in mangaḻenea, moiko in momia kon tomayá sin mopobodito kon intau ibanea bo mogaid kon inta moraat.

YEREMIA 22:17

Táe iko, Yoyakim, in toposibí. Iko in tongábí motayak kon kauntungan tontaní. Iko in moḻimod kon intau inta diá kotaḷá, bo mondorot kon rayatmu takin aid moḻingá.

MIKHA 7:3

Komintandon mopandoi in mogaid kon inta moraat. Pojabat bo hakim moigum kon doit pompon in bibig, bo tongguḷu in intau mobayong in momakisadon kon koibognea, natuata in yopopog monia moyotakin.

OUMAN IN RASUL MITA 13:10

bo noguman, “Ei intau inta mouboḷ totok, ki adí in Ibilis! Iko nion saturu in bayongan inta mopia. Nongonu sin diábí doman mogogai iko in moḷamboi kon tomayá i Allah moposaḷamat kon intau?

SAMUEL 1 23:9

Táe ain kinotaauan i Daud kon ki Saul in koniatdon moraat kon inia. Tuamai in noguman in sia kon i Imang Abyatar, “Diadon mangoi in epod tatua.”