AMSAL 24:13 - Alkitab Singog In Mongondow Masa In Tanaa

¹³ Adíku, pokaandon kon biluk, sin mopiabí intua. Sin naonda bo biluk nongkon ḻipú in pasukan, moromimit in kaanon,

AMSAL 24:13 Mawu Ofanana

MAZMUR 119:103

Totuu mopia in tosingogon-Mu, noiḻiu kon koromimit in biluk!

MAZMUR 19:10

Motoguondok kon i Tuhan tua in mopiabí, moiyaputbí in mononoi. Hukum i Tuhan tua in totuubí bo moadilbí komintan.

AMSAL 16:24

Tosingogon moḷukó notongkai in biluk; moromimit in korasaan bo mokosehat kon awak.

AMSAL 25:16

Dika mokaan kon biluk mobarong; sin angoiandon in rongó in iko.

AMSAL 25:27

Diábí mopia in mokaan kon biluk moiḻiu, natua doman diábí mopia in moiḻiu in pododayow.

AMSAL 27:7

Aka mobotug, umpakabí biluk yo diábí tarimaan; aka gogoyon, umpaka pait mopira in konanaman.

DONDONG MOḶANTUD 4:11

Mopia in tosingogonmu mita, nonikaanku, naonda bo biluk taakan bo susu. Ḷambungmu in ná kobondu in Buḷud Libanon.

DONDONG MOḶANTUD 5:1

Akuoi in namangoi in gobáku, batoḷ in dodobku, buḷoiku, sinipunku in taḷong mobondu bo toyokayuku mita; kinaanku in ḻipú in pasukan bo bilukku, ininumku in susu bo tubig in anggurku. Pongaan bo ponginumdon yobayat mita, ponginumdon modapot in moḷoḷangu in totabian.

YESAYA 7:15

Kon tungkuḷ in tugatdon in koḷobennea monantú kon tosingogonnea tontaní, ḻipú tatua in mobiagdon mooyúon.

MATIUS 3:4

Ki Yohanes nogiḷambung jubah nongkon bubuḷ in unta. Baannea in nongkon kuḻit, kaanonnea in pangkoḷá bo dilú in kayuon.

HAKIM MITA 14:9

Ginamánea in biluk tatua, bo sindaḷannea kaanon kon daḷan. Onda intua sia minayá kon guranganea bo inogoineadon kon i monia in biluk tongo silai tatua, bo kinaandon monia. Táe diábí pinoguman i Simson kon biluk tatua in ginamánea nongkon karubang in singa.

SAMUEL 1 14:27

Táe ki Yonatan in diábí nonotaau kon ki amánea ain nonontot kon rayat takin kutuk tatua; tuamai in tungkudnea pinotundúneadon, bo pinopoturaknea kon pugad in biluk tatua, bodongka ginamánea in biluk tatua bo poḷat kinaan. Dá baḷúdon kinorasaannea kon mosehat bo nodugangdon noropot.