AMSAL 23:5 - Alkitab Singog In Mongondow Masa In Tanaa

⁵ Sin, tongábí tokokiap monag in kapunyaanmu bo modait, naonda bo oyúon in koḻikipnea bo ḷumayug kon toḷungayá naonda bo ḷagapan boniá.

AMSAL 23:5 Mawu Ofanana

KINOBAḺIAN 42:36

Bo ki amá monia in nosingogdon, “Moiko ain nokopopisí kon akuoi in kinobuḻiandon i adíku mita. Ki Yusup in diádon; ki Simeon diádon; bo tanaa moiko in mogamá domandon kon i Benyamin. Moiḻiudon totok in rorigaku!”

AYUB 27:19

Sia in mosiug saḷaku intau nooyúon, táe sia in diá motaau mopobui-buimai, Kon dodai in sia mobangon nongkon pinosiugannea, nobuḻidon komintan in kaoyúonannea.

MAZMUR 39:6

Totuu mopoḷok in kobiaganku inta sinantú-Mu! Aka kon ini-Mu wakutu kinobiaganku diábí in mangaḻenea. Totuu, intau naa in tongábí naonda bo poginaan,

AMSAL 27:24

sin kaoyúonan in diábí mononoi, nodapot in kawasa momarenta in diábí doman mononoi.

MOHOHUTUBA 1:2

Ki Inta Mopandoi tua in noguman: Bayongan yagi-yagi diá in mangaḻenea bo diá in baragunanea! Mobiag tua in parasumabí, komintanbí diá in mangaḻenea.

MOHOHUTUBA 12:8

Gumanku, totuu kon tua komintan in diábí in mangaḻenea, komintan parasuma, diá in mangaḻenea.

YESAYA 55:2

Onubí in mangaḻenea in motaḷui kon onuka inta diá mokoguḻí kon ibog, bo mogaid kon onu inta diá mokobotug? Duduiaidon in parenta-Ku dá moiko in mokaanbí kon inta mopia, bo mokaan kon kaanon inta mopia in nanamnea.

YEREMIA 22:17

Táe iko, Yoyakim, in toposibí. Iko in tongábí motayak kon kauntungan tontaní. Iko in moḻimod kon intau inta diá kotaḷá, bo mondorot kon rayatmu takin aid moḻingá.

YEREMIA 39:12

“Bayádon tayak in ki Yeremia, bo ḷukadai kopiaan in sia. Dika onuon monimu in sia; duduiai onu in poigumonnea.”

MATIUS 6:19

“Donaaidon moiko mosipun kon kapunyaan kon dunia, sin poguyaaton in sisik bo kaḻiotá, ná doman tua, mononakow mamangoi momulingkar bo monakow.

TIMOTIUS 1 6:17

Ponoropdon kon intau mita inta nobiag nooyúon, bá mosia in diá dumodia bo diá mopodoyon in kobiagan monia kon barang mita inta modai-daitbí, ná kaoyúonan in dunia naa. Mosia in mustibí mopodoyon in kobiagan monia kon i Allah inta ain nobogoi in bayongan yagi-yagi kon i naton inta diádon koiapan in kobayongnea, inta pakéonmai naton muḷoi in singgai.

YOHANES 1 2:16

Bayongan in yagi-yagi inta kon bonu in dunia naa, tua in kinoibog in awak inta baradosa naa, onu inta koontongan bo inta pongaḷakuang, tua komintan in deemanbí nongkon i Amá, táe nongkon duniabí naa.