AMSAL 22:7 - Alkitab Singog In Mongondow Masa In Tanaa

⁷ Intau bogá kinawasa in intau nooyúon; intau inta noḷuan kinawasa in intau inta nopoḷuan.

AMSAL 22:7 Mawu Ofanana

DATU MITA 2 4:1

Kon singgai tobatú ki baḷú in nabi tobatú in minayá kon i Elisa bo noguman, “Amá, ki buḷoiku in minatoidon! Bo kinotaauanbí doman i Amá kon sia tua in intaubí inta motoindudui kon i Allah, táe koboḻi in sia kon intau ibanea. Tanaa in intau tatua in namangoi sin mogamá kon i adíku doyowa bo baḻíonnea ki ata monia, sin poguboḻi kon boḻi i buḷoiku inta ain minatoi tua.”

AMSAL 14:31

Ki ine in mopoaid in mopia kon intau bogá, mohoromat kon i Allahnea; ki ine in mopororiga kon intau moyangkó, mopoompámai kon i Inta nomaḻí kon inia.

AMSAL 18:23

Intau bogá mopoigum takin pia-pia mako; intau nooyúon motubag takin torú.

AMSAL 22:16

Ki ine in moibog mooyúon pongin mondorot kon intau bogá bo mobogoi in tombuinag kon intau nooyúon kon imbuitnea in momalaratbí.

AMSAL 22:22

Dikabí moporugimai kon intau bogá, tongá popisí in sia moyangkó; bo kon sidang pongadilan dika mogagow kon hak in intau inta diá kodaya.

YESAYA 24:2

Bayongan intau in moiḷampangbí kon ukur inta motongkai: imang mita bo rayat, ata bo tuangnea, mopopotaḷui bo mototaḷui, moḷoḷuan bo inta nopoḷuan, nooyúon bo nobogá.

AMOS 2:6

Ki Tuhan in noguman, “Intau in Israel ain nopobui-buimai binaradosa, tuamai in notantú bidon kon hukumon-Ku in mosia. Intau mojujur inta diá mokopobui kon iḷuanannea, ain pinotaḷui monia nobaḻí ata. Natua doman in aid monia kon intau nobiag nobogá inta diá nokouboḻi kon boḻinea, umpaka boḻinea tatua tongá ná boḻi in aip in sioḷ togapang.

AMOS 4:1

Indongogai, ei bobay mita in Samaria inta koḷongó-koḷongó naonda bo sapi mita inta noḷomumu kon Basan! Moiko in mondorot kon intau moyangkó, mogamá kon kapunyaan in intau bogá, bo momakisa kon i buḷoimu sinbá umuran mopooyúon in oinumon mokoḷoḷangu kon inimu!

AMOS 8:4

Indongogaidon, ei moiko inta nondorot kon intau bogá kon butá tanaa nodapot in mosia noyopú!

AMOS 8:6

Gandum inta nogoguyaat motaau potaḷui naton komahaḷon. Kita in motayak kon intau bogá inta diá mokouboḻi kon boḻinea mita, umpakabí boḻinea tua in tongá ná boḻi in silop togapang, bo taḷuion naton in sia mobaḻí ata naton.”

MATIUS 18:25

táe popisí in intau tatua diádon mokouboḻi kon boḻinea tatua, dá datu tatua in nomarenta sinbá potaḷuidon in ki buḷoi bo ki adínea takin bayongan kapunyaannea sin poguboḻi kon boḻinea.

YAKOBUS 2:6

Táe moiko ain noningkuḻe kon intau mita inta nobiag nobogá, bokaka intaubí mita inta nooyúon in mondorot bo mogugut kon i monimu pobayá in pongadilan!

YAKOBUS 5:1

Utat mita, intau inta nobiag nooyúon! Indongogaidon in tongginaku naa. Moiko in musti mongombaḷ bo mogamui sin moiko in koantuganbí in roriga!

YAKOBUS 5:4

Diá inuboḻian monimu in gaji in intau mita inta nogaid kon gobámu. Tanaa indongogaidon in amui monia! Intau mita inta nosipun kon hasil in gobámu, kinumarak nokituḷung bo karak monia tua ain kinodongogan i Allah, Tuhan inta Totok in Mokawasa.