AMSAL 22:4 - Alkitab Singog In Mongondow Masa In Tanaa

⁴ Intau inta mopirisaya kon i Tuhan bo tumonsiup, in mosanang, mobiag motompia bo horomaton.

AMSAL 22:4 Mawu Ofanana

AMSAL 19:23

Horomatbí in ki Tuhan, dá mosanang in kobiaganmu; mopuasbí in iko bo moiyayú kon bodito.

AMSAL 21:20

Intau mobijaksana in tantúbí mobiag motompia bo mooyúon; táe intau bodok imibo-ibogbí in mopomaké in kapunyaannea.

AMSAL 21:21

Ki ine in umuran mopobayá in inta moadil bo totabian, yo mokouḻíbí kon kobiagan motompia, kahoromatan bo umur moḷanggó.

AMSAL 22:3

Intau mobijaksana momarut aka mokoontong mako kon bodito; intau bodok mayá turus bo koantugan in roriga.

AMSAL 22:5

Poyogaḷap bo tontoyaud in kon daḷanbí in intau motombogá; pokoyayúdon kon tua komintan aka iko moibog mosaḷamat.

AMSAL 29:23

Intau moḷoḷatú in poompáanmai; intau inta moompá in gina in dayowon.

AMSAL 3:16

Hikmat mobogoi kon inimu in umur moḷanggó, kaoyúonan bo kahoromatan.

AMSAL 31:30

Pogot inta motaingkat diábí motaau pirisayaan, bo pogot moḷunat in moinggamábí; táe bobay inta motoindudui kon i Tuhan in patusbí dayowon.

YESAYA 33:6

bo mobogoi in inta moaman kon umat-Nea. Kaoyúonan inta mokosaḷamat kon i monia in kabijaksanaan bo sinotaau takin horomat kon i Tuhan.

YESAYA 57:15

Sin nanaa in guman i Allah, Inta Totok in moḷantud bo mokudus, inta nongawasa modapot in mononoi, “Akuoi in nogutun kon tampat inta moḷantud bo inta motusi, táe kon yua-yuakbí doman in intau mita inta moompá in dodia bo inta nomanasaḷ in nogaid kon dosanea mita, sin mopoguḻí bui kon ibog bo kamang monia.

DANIEL 4:36

Naonda in nosadardon bui in akuoi, dá koḷoḷoben, kamuliaan bo kopopia in dodatuanku inogoidon bui kon inakó. Akuoi in sinontomu in pogawaiku mita bo in intau moḷobenku mita, bo akuoi in pinoki kadaiandon bui in dodatuanku, nodapotbí in kamuliaanku in nodugangdon kon inta muna.

MATIUS 6:33

Táe, tayakpa muna in ki Allah bo aidaidon onu inta kinoibog-Nea. Dá komintan tua in ogoi-Neabí doman kon inimu.

TIMOTIUS 1 4:8

Latihan in awak naa in tongábí topiḻik in baragunanea, táe aka molatih moibada yo moibaragunabí kon bayongan in yagi-yagi, sin oyúon in dandi kon kobiagan tanaa mako bo kobiagan kon singgai moiduduimai.

YAKOBUS 4:10

Moiko in musti mokopoompá kon dodia kon tayowon i Tuhan, dá poḷantudon i Tuhan in moiko.

YAKOBUS 4:6

Umpaka natua, totabi Allah inta inogoi kon i naton moropo-ropot nongkon ibog in roho naton tatua. Tuamai kon bonu in Buk motusi in pinais doman, “Ḷawangonbí i Allah in intau inta mokaḷakuang, táe Sia in motabibí kon intau inta moompá in dodia.”