AMSAL 21:8 - Alkitab Singog In Mongondow Masa In Tanaa

⁸ Intau inta kotaḷá, moikaing in daḷannea; intau inta mopia tantú motuḻid in kobobiagnea.

AMSAL 21:8 Mawu Ofanana

KINOBAḺIAN 6:12

Ki Allah in noindoi kon dunia naa bo tongádon nokoontong kon onu inta moraat, sin bayongan intau moraatdon in kobobiag monia.

AMSAL 15:26

Ki Tuhan in doíbí kon tomayá inta moraat; táe tosingogon mita inta mopia mokosanang kon gina-Nea.

AMSAL 2:15

Mosia in motombogá bo kobobiag monia in diá moitutui.

AMSAL 21:9

Mogutun kon siku in ḷuntung in mopia-pia in mogutun tobaḷoian in buḷoi bobay inta tantú moibog moropatoi.

AMSAL 30:12

Oyúon in intau in tumangoi motusi in sia bokaka totokbí in moromú in sia.

MOHOHUTUBA 7:29

Tongábí naa in nouḻíku: Pinomia i Allah in kita diá noiḻiu bo biasabímai. Táe kitabí tontaní in mopororigamai bo mopoyagi-yagimai.

MOHOHUTUBA 9:3

Dá, ukur inta motongkai in moiumabí doman kon i monia komintan. Bo tua in soaḷ inta mokonakit kon gina ná doman bayongan inta nobaḻí kon dunia. Kon dodai in mobiagpa gina in intau nopuḻing in inta moraat, bo raiannea in nopuḻing doman in kabodokan. Bo daḻídon in sia moyodungkuḷ in wakutunea matoi.

YESAYA 26:7

Intau inta motuḻid in gina in mongin daḷan inta motuḻid, sin Iko, Tuhan in nomontang kon daḷan bayáannea.

YESAYA 59:8

Moiko in diábí moramuji kon kobiagan mopopiaan, bo bayongan in aidmu diá moadil. Daḷanmu in mobelu-belung, bo intau inta dumudui kon daḷan tatua in diábí mosanang.

DANIEL 12:10

Mobayong in intau in tungkuḷan bo pomurnion. Mosia inta moraat in diábí momangaḻe bo tantúbí mogaid kon inta moraat; tongábí mosia inta mobijaksana in momangaḻe.

MATIUS 12:33

“Aka pangkoinea bo kai in monimu mopia, yo bungainea in mopiabí doman. Tongá aka pangkoinea, kai monimu bo diá mopia, dá diá doman mopia in bungainea. Sin bungaineabí tua in ponandaan kon pangkoinea.

MATIUS 5:8

Pia in kamang in intau inta motuḻid in ginanea; sin mosia tua inta mokoontong kon i Allah.

OUMAN IN RASUL MITA 15:9

Ki Allah tua in diábí mopoyo-poyoposi kon intau. Dinaritan-Nea in gina monia sin mopirisaya in mosia.

KORINTUS 1 3:3

sin moiko tantúpabí doman dinumudui kon tabiatmu saḷaku intau. Sin aka oyúonpa doman in ointoian bo yogenggeng kon sigad monimu, yo mangaḻenea kon tua moiko in dumuduipabí kon tabiat in intau, ná intau inta diá nonotaau kon i Allah.

TITUS 1:15

Bayongan in yagi-yagi in nodaritbí aka kon intau mita inta nodarit in raian. Táe aka kon i monia inta raian mokotor bo inta diá mopirisaya kon i Tuhan, yo diábí in tobatúmai in modarit, sin raian bo gina monia in komintan domandon mokotor!

TITUS 2:14

Sia tuata inta ain noposarakan in awak-Nea sin mopoḷuat kon i naton nongkon bayongan inta moraat, bo kita in baḻíon-Nea tobatú umat inta noiḷuatdon nongkon kawasa in dosa bo tongádon mobaḻí umat-Nea inta morajing mogaid kon inta mopia.

TITUS 3:3

Sin koḻipod in kita tontaní in nobodokbí doman, diá noitutui bo diá motoindudui. Kita sinonggata in norupa-rupamai in ibog in awak naa ande in dunia naa; kita in noyobiag takin niat mita inta moraat, tantú mointoi bo mososaturuan.

TITUS 3:5

Sia in noposaḷamat kon i naton, táe deemanbí popisí in kita ain nogaid kon inta mopia, táe popisíbí in tabi-Nea kon i naton. Sia in noposaḷamat kon i naton takin Roho i Allah inta ain nobogoi kon i naton in kolahiran bo kobiagan mobagu takin cara nondarit kon i naton.

YOHANES 1 2:29

Kinotaauandon monimu kon ki Kristus in nobiag podudui in ibog i Allah. Tuamai musti kotaauan doman monimu kon pomuḷoi in intau inta nobiag podudui in ibog i Allah, ki adíbí mita i Allah.

YOHANES 1 3:3

Komintan intau inta oyúon in harapan nanaa kon i Kristus, musti totuu mokopodarit kon kobobiag, modarit nongkon dosa mita naonda bo ki Kristus nodarit doman.