AMSAL 21:13 - Alkitab Singog In Mongondow Masa In Tanaa

¹³ Ki ine in doí mokidongog kon amui in intau inta kinodaitan diábí doman pandungonmai aka sia in mopoigum in totuḷung.

AMSAL 21:13 Mawu Ofanana

NEHEMIA 5:13

Onda intua iḷongkutku in aḷuang bo pinoḷuatkudon poḷat noguman, “Igumon mako nanaadon in ki Allah mopomisik kon intau mita inta diá mogintompod kon dandinea. Intau tatua in mobaḻídon diá koonu bo onu, baḷoi bo bayongan in kapunyaannea in gamáandon i Allah!” Bayongan in intau kon sidang tatua in notubag, “Amin!” bo nodayow kon i Tuhan. Dá itoi mita tatua nogintompod kon dandi monia.

AYUB 29:12

Sin, sinuḷunganku in intau nobogá inta mokituḷung; ná doman tua in intau mita uno-unon inta diá in mototuḷungnea.

MAZMUR 18:41

Binaḻí-Mu noḷagui in musungku mita kon inakó; intau mita inta mondoí kon inakó iyopúku.

MAZMUR 58:4

Intau moraat ain noiḷaḻe pinangkoipamai kon bonu in bobuḷadían mosia in nongakaḷdon pinangkoipamai kon pinononggadí.

AMSAL 1:28

Kon dodai intua moiko in mokuani kon inakó, táe doí in akuoi tumubag. Tayakon magí-mako monimu in akuoi táe diábí mouḻí monimu.

AMSAL 28:27

Ki ine in mobogoi kon intau bogá diábí in sia kodaitan. Ki ine in doí moindoi kon onu in paraḷu in intau bogá, yo butungonbí.

MATIUS 6:14

Aka moiko bo moibog mongampung kon taḷá in intau, yo ki Amá monimu inta kon soroga in mongampungbí doman kon taḷámu.

MATIUS 7:2

Sin naonda in pohohakimmu kon intau ibanea, tua doman in pohakim kon inimu.

LUKAS 13:25

Aka ki togi baḷoi bo simindogdon moḻingkop kon ḷoḻingkop in baḷoinea, yo moiko in dongka bidon simindog mako kon ḷuai bo umuran monangkokó bo moguman, ‘Tuang, bukataipa in ḷoḻingkop sin tuotan nami!’ Táe ki togi baḷoi tatua in motubag kon i monimu nanaa, ‘Diábí kinotaauan-Ku mongo nongkon onda in moiko!’

OUMAN IN RASUL MITA 7:57

Dá anggota mita in Mahkama Agama totokdon nomompon kon bongoḷan monia bo nomaḷú poḷat minayá nomongkug kon i Stepanus.

YOHANES 1 3:17

Aka moiko inta nobiagdon nooyúon bo nokoontong kon utat inta nobiag nobogá, táe doí motuḷung kon i utatnea tatua, dá naondabí in sia motaau moguman, ‘Akuoi in motabi kon i Allah?’