AMSAL 21:10 - Alkitab Singog In Mongondow Masa In Tanaa

¹⁰ Intau moraat umuranbí moibog mogaid kon inta moraat; Kon i inekabí diábí in tabinea.

AMSAL 21:10 Mawu Ofanana

MAZMUR 112:5

Pia in kamang in intau inta mopia in gina bo inta moibog mopoḷuan bo mojujur kon bayongan in yagi-yagi.

MAZMUR 112:9

Sia in mosila-silaibí mako kon kapunyaannea, bo mobogoi in oogoi kon intau nobogá; sia in umuranbí mogaid kon inta mopia, tuamai in sia nongawasa bo ihoromat.

MAZMUR 36:4

Tosingogonnea mita in moraat bo nopuḻing in tompobaḻik, sia in diá bidon mogaid kon inta mopia bo mobijaksana.

AMSAL 12:12

Intau moraat moibog motayak kon kauntungan nongkon intau moromú; intau mopia in notongkaibí in pangkoi in ayop inta momungai.

AMSAL 14:21

Ki ine in mopoompámai kon intau ibanea, mogaid kon dosa; ki ine in mopia in gina kon intau bogá yo mosanang in ginanea.

AMSAL 2:14

Mosia in mokouḻí kon kososanang nongkon aid monia inta moraat.

AMSAL 21:13

Ki ine in doí mokidongog kon amui in intau inta kinodaitan diábí doman pandungonmai aka sia in mopoigum in totuḷung.

AMSAL 21:9

Mogutun kon siku in ḷuntung in mopia-pia in mogutun tobaḷoian in buḷoi bobay inta tantú moibog moropatoi.

AMSAL 3:29

Dika monomayá kon inta mokorugi kon tumpaḷa intau topodiugmu inta mopirisaya kon inimu.

KORINTUS 1 10:6

Tua komintan in nobaḻíbí contoh kon i naton, mopotorop kon bá donaai in kita mogaid kon inta diá mopia ná inaidan monia.

YAKOBUS 2:13

Sin diábí poontong i Allah in tabi-Nea kon intau inta diá nonotaau in totabian. Táe tabibí in moḷobe-ḷoben nongkon hukuman!

YOHANES 1 2:16

Bayongan in yagi-yagi inta kon bonu in dunia naa, tua in kinoibog in awak inta baradosa naa, onu inta koontongan bo inta pongaḷakuang, tua komintan in deemanbí nongkon i Amá, táe nongkon duniabí naa.