AMSAL 20:7 - Alkitab Singog In Mongondow Masa In Tanaa

⁷ Adí mita mountung aka oyúon in guyanga ḷoḷaki inta mopia bo motuḻid in kobobiagnea.

AMSAL 20:7 Mawu Ofanana

KINOBAḺIAN 17:7

Akuoi in mogintompodbí kon dandi-Ku kon inimu bo kon buímu dapot in kon singgai moiduduimai, bo dodandian tatua in mononoibí. Akuoi in mobaḻí ki Allahmu bo ki Allah in buí-Mu.

AYUB 1:1

Kon butá in Us nogutun in ḷoḷaki tobatú tangoinea in ki Ayub. Sia in nosumba kon i Allah bo mosatia kon i-Nia. Sia in intau inta mopia in gina bo diábí nogaid kon onu inta moraat tongopiḻikmai.

MAZMUR 112:2

Ki adí-Nea mita in mongawasabí kon butá tanaa, buí in intau mopia in barakatanbí.

MAZMUR 15:2

Intau inta nobiag diá in bogit bo nogaid kon inta mopia, bo takin gina motuḻid moguman kon inta totuu;

MAZMUR 26:1

Mazmur i Daud. Ogoiaipa in inta moadil in akuoi, o Tuhan, sin akuoi in nobiag takin notuḻid in gina. Akuoi in nongamang kon i Tuhan, bo diábí in ḻia-ḻiaw in gina tongopiḻikmai.

MAZMUR 26:11

Táe akuoi in nobiag notuḻid in gina, kotabipa bo poḷuatdon kaasí in akuoi.

MAZMUR 37:26

Sia in umuranbí mopoḷuan bo mobogoi, bo ki adínea mita in nobaḻí barakat kon inia.

AMSAL 13:22

Intau mopia in mopoabatbí in kaoyúonannea kon i adí bo ompunea; kaoyúonan in intau binaradosa in sinagú kon intau inta motuḻid in kobiagannea.

AMSAL 14:2

Intau inta mojujur in moondok bo mohoromat kon i Tuhan Allah; intau inta kobiagannea diá motuḻid in gina moningkuḻe kon i-Nia.

AMSAL 14:26

Intau inta motoguondok kon i Tuhan in mobiag mosanang, bo motoḷuadínea in ḷukadan.

AMSAL 19:1

Maníka bo intau bogá inta motuḻid in kobobiagnea, dika in intau bodok inta moibog monguboḷ.

YESAYA 33:15

Moiko in mokotahangbí aka moiko in mosingog bo mogaid kon inta totuu. Dika motayak kon untung pongin momakisa mogamá kon intau bogá, bo dika motarima kon doit tondan in pelekara. Dika dumudui kon intau inta monomayá kon poḻimodan andeka aid moraat ibanea.

YEREMIA 32:39

Akuoi in mobogoibí kon i monia in tongábí tobatú in tujuan kobiagan: tuata in mohoromat kon i-Nakó modapot in mononoi; tua in modiabí kon kopiaan kon i monia tontaní, bo kon i buí monia.

LUKAS 1:6

Kobobiag inayadua motonibuḷoi tua mokosanang kon gina i Allah, sin taya dua in umuranbí dinumudui kon parenta bo atorang i Tuhan, diábí in sinaḻiban monia.

OUMAN IN RASUL MITA 2:39

Sin moikobí bo ki adímu mita bo bayongan in intau inta kon tampat nongoyayú – tuatabí mita in intau inta inoiní i Tuhan sinbá mamangoi kon i-Nia, tuabí in pinopomakusudan in dandi i Allah tatua.”

KORINTUS 2 1:12

Noḷunganga totok in gina nami, sin noyakin bidon in kami kon kobobiag nami kon dunia naa – apapa doman hubungan nami bo i monimu – tantúbí nami sinompia takin gina motuḻid bo nobayag. Tua komintan in inaidan nami, deemanbí pinodoyon kon kapandoian raian in intau, táe pinodoyonbí kon ropot inta pinonotabi i Allah.