AMSAL 20:6 - Alkitab Singog In Mongondow Masa In Tanaa

⁶ Mobarong in intau mongaku kon yobayat, táe inta totu-totuu mosatia, in mororigabí in mouḻí.

AMSAL 20:6 Mawu Ofanana

MAZMUR 12:1

Kon i itoi in mododondong. Podudui in dondong inta in waḷunea. Mazmur i Daud.

MAZMUR 12:2

Tuḷungaipa kaasí in kami, o Tuhan, sin diádon in intau mopia, intau inta mosatia kon ini-Mu ain noyopú.

AMSAL 20:5

Bonu in gina in intau naonda bo tubig kon bonu in parigí inta modaḷom; táe kotayukanbí in intau inta mopandoi.

AMSAL 25:14

Dandi mita inta diá inintompodan, in naonda bo goḷom bo tompot inta diá mopoonag in uyan.

AMSAL 27:2

Dikabí dumuí tontaní; biódon mako in intau ibanea in modayow kon inimu, modapotbí in intau inta diá kinotaauanmu.

MOHOHUTUBA 7:28

Tantúpa doman in akuoi motayak kon tontubag mita ibanea, táe diádon nokouḻí. Kon sigad in intau toribu, nouḻíku in ḷoḷaki tobatú inta ihoromatku. Táe kon sigad monia diá in bobay inta motaau horomatonku.

YEREMIA 5:1

Ei intau in Yerusalem, tutuiaidon in daḷan mita kon kotamu mita! Tayakdon kon bayongan tampat, bo sakusiaidon tontaní. Pirikisadon kon rawang mita in kotá mongo oyúonpa in intau motuḻid inta moḷongasi mokopotoindudui kon i Allah. Aka oyúon, dá ki Tuhan in mongampungbí kon Yerusalem.

MIKHA 7:1

Mobodito in akuoi! Akuoi in nádon intau ginogoi inta minayá nosipú naonda in nopaḷut mako in sempo in pinosipúan. Diá bidon in bungai in ayop kon pangkoinea. Bungai in anggur bo bungai in ara inta mongopia nodaitdon komintan sinipú.

MIKHA 7:2

Intau motuḻid diádon in kon butá, intau inta motoindudui kon i Allah diádon mouḻí. Batúan in intau komintandon mogoḷat kon kasampatan moḻimod. Kon batúannea motaan kon poyogaḷap kon tumpaḷa intau.

MATIUS 6:2

Sin tuamai, aka iko bo mobogoi in sadaka, donaaibí muna poguma-guman mako naonda bo oaid in intau mongomunapik kon baḷoi mita pososambayangan bo kon lorong mita sinbá dayowon intau in mosia. Poguman-Kudon kon i monimu: Mosia tua in notarimadon kon bungai in oaid monia tua.

LUKAS 18:11

Intau in Parisi tatua in sinimindog sinumontaní bo nosambayang, kon bonu in ginanea nanaa, ‘O, Allah, akuoi in mopoyaput in sukur kon ini-Mu, sin akuoi in diá ná intau ibanea modunia, diá moadil, moibog monuaḻing, bo diá kototabi kon tumpaḷa intau. Bo akuoi in diá doman ná intau mononagi kon pajak tatua.

LUKAS 18:28

Dá ki Petrus in noguman, “Pak Guru, indoiaika in kami! Kami naa aindon nonaḷámai kon bayongan yagi-yagi kapunyaan nami bo dinumudui kon i Pak Guru, yo onu in mouḻí nami.”

LUKAS 18:8

Popirisayabí: tuḷungan-Neabí in mosia! Táe aka Adí Intau mamangoi, yo oyúonpa degá in intau mopirisaya in kon dunia naa?”

LUKAS 22:33

Táe ki Petrus in notubag kon i Yesus, “Tuhan, akuoi in diábí moondok in tumuot kon ponjara andeka matoi moyotakin i Tuhan!”

YOHANES 1:47

Inontong i Yesus in ki Natanael namangoi, dá ki Yesus in noguman nanaa soaḷ ki Natanael tua, “Indoiai, tua in intau in Israel motuḻid, diábí in uboḷ kon ginanea!”

KORINTUS 2 12:11

Totuubí kon akuoi in sinumon intau bodok – táe moikobí in nomakisa kon i nakó nobaḻí natua. Sabanarnea moikobí in musti moduí kon inakó. Sin umpaka diá baraguna in akuoi kon i monimu, táe kon bayongan yagi-yagi akuoi in noiḻiubí kon rasul mita inta mongotoyang tua.