AMSAL 2:6 - Alkitab Singog In Mongondow Masa In Tanaa

⁶ Ki Tuhanbí in mobogoi in hikmat; nongkon i-Niabí intau mokouḻí kon pongotahuan bo komomangaḻe.

AMSAL 2:6 Mawu Ofanana

DATU MITA IMITÁNEA 10:24

Bayongan in intau kon dunia naa in moḷongasibí mokipodungkuḷ kon i Salomo sin mokidongog kon totundú inta mobijaksana inta inogoi i Allah kon inia.

DATU MITA IMITÁNEA 3:12

dá onu inta pinoigummu tatua in ogoi-Kubí. Baḻíon-Ku in iko mobija-bijaksana bo mopando-pandoi nongkon i inekabí doman, pinomayá kon dungkuḷmai andeka kon singgai moiduduimai.

DATU MITA IMITÁNEA 3:9

Manangka intua, Tuhan, aka motaau yo ogoiaipa in akuoi in kabijaksanaan inta pakéon kon momarenta kon umat-Mu tanaa takin moadil bo motaau mopoyoposi onda inta mopia bo onda inta moraat. Aka diá natua, yo diábí in akuoi mokoparenta kon umat-Mu inta mobarong naa!”

DATU MITA IMITÁNEA 4:29

Ki Allah in nobogoi kon i Salomo in kabijaksanaan, bo pandoi inta diá in poḻiu, bo pongortian inta totok in moako.

TAWARIKH 1 22:12

Bo igumon mako ki Tuhan Allahmu in mobogoi kon inimu in kabijaksanaan bo pandoi sin momarenta kon Israel podudui in hukum-Nea mita.

EZRA 7:25

Ki Utat ki Ezra, pakédon in pandoi inta ain inogoi i Allah kon i Utat, bo duídon in itoi mita bo hakim mita sin momarenta kon bayongan in intau kon propinsi Eprat Toyopan inta nobiag podudui in Hukum i Allah i Utat. Ki Utat in mustibí motundú kon Hukum tatua kon bayongan in intau inta diápa nonotaau kon tua.

NEHEMIA 7:5

Tuamai in pinopogonú i Allah kon inakó sinbá mosipun kon rayat bo itoi mita takin guhanga mita in ḻipú, sinbá motaau iyaponku in mosia podudui in tangoi kon inanakan monia. Kon kasampatan tatua aindon nouḻíku in pinomaisan kon tangoi mita in intau inta muna-munamai nobui nongkon pinoḷumbúan. Noiduduimai naa in katarangan inta nouḻíku nongkon pinomaisan tatua:

AYUB 12:16

Ki Allah tua in moropot, moroton bo ponango-nangoian! Ki inta mongonguboḷ bo ki inta kino uboḷan kon bonubí in kawasa-Nea.

AYUB 22:22

Tarimadon onu inta sinundú i Tuhan kon inimu; tagúdon intua komintan kon bonu in ginamu.

AYUB 32:8

Táe inta nobogoi in pandoi kon intau, in tongábí Roho i Allah Inta Totok in mokawasa.

MAZMUR 119:104

Hukum-Mu mita in nobogoi kon inakó in pomomangaḻe, dá doíbí in akuoi kon aid motombogá.

MAZMUR 119:34

Popomangaḻedon kon inakó in hukum-Mu sinbá duduianku, bo aidanku takin ḻimbatú in gina.

MAZMUR 119:98

Umurankubí kotoropan in parenta-Mu, inta nokodugang kon kobobijaksanaku nongkon musungku mita.

MAZMUR 19:7

Sia in noḻibu kon ḷangit nongkon popodnea tobatú nodapot in popodnea ibanea; diábí in kotaḻiban in patúnea.

MAZMUR 19:8

Hukum i Tuhan tua in motomoman, mokosanang kon dimukud. Parenta i Tuhan motaau pirisayaan, mobogoi in hikmat kon intau inta diá kopongalaman.

MAZMUR 51:6

Tongábí kon ini-Mu, tongábí kon ini-Mu binaradosa in akuoi, bo pinomiaku in onu inta inanggap-Mu moraat. Dá patusbí hukumon-Mu in akuoi, moadilbí in pononantú-Mu.

MAZMUR 94:10

Sia in notundú kon bangusa mita, yo umpaka yo diá in Sia mohukum? Sia in nobaḻí guru kon bayongan in intau, yo umpaka yo diá in Sia kototaau?

IḶUAIAN 31:3

bo inogoian-Ku in sia in kawasa-Ku. Sia inogoian-Ku in pomomangaḻe, toḻidat bo kototaau kon bayongan yagi-yagi oaidan:

AMSAL 6:23

Topotundú mita in guyangamu naonda bo togá inta mobayag; toboḷow monia mopoontong kon inimu in kobobiag inta mopia.

MOHOHUTUBA 2:26

Ki Allah nobogoi in hikmat, pongotahuan bo kasanangan kon intau inta mokosanang kon gina-Nea. Táe intau baradosa in pinotabá-Nea mogaid motayak kon pakéon bo mosipun kon onu inta nouḻí sin ogoi kon intau inta mokosanang kon gina i Allah. Dá, tua komintan diá in mangaḻenea naonda bo modomok kon tompot.

YESAYA 54:13

Bayongan in intaumu mobaḻí murí-Ku, mosia in mobiag mooyúon bo motompia.

YESAYA 8:20

Tubagai nanaa, “Indongogai in totundú in Tuhan! Intau inta diá nosingog podudui in totundú tatua, diábí in kamang.”

DANIEL 1:17

Ki Allah in nobogoi kon inaya opat in hikmat bo kototaau kon noyagi-yagimai in pais. Koḻikud intua ki Daniel inogoian doman in pandoi moginsilang kon mangaḻe in oontongon bo togoindop.

DANIEL 2:21

Siabí inta nonantú kon sempo bo wakutu, Sia in nopoḷabú bo noduí kon pongawasa. Siabí doman inta nobogoi in kabijaksanaan, bo noponotabi in pomomangaḻe.

DANIEL 2:23

Oo, ki Allah in dinayo-dayow in mogoguyangku, Iko i dinayow bo pinoḷantudku. Sin inogoi-Mu kon inakó in hikmat bo ropot. Oigum nami in dinuduian-Mudon. Bo tubag kon i datu in pinoontong-Mudon.”

LUKAS 21:15

Bá kotaauan monimu kon Akuoibí in moguman kon onu inta musti potubag monimu, sahingga saturu mita monimu tua, diá mokoḷawang ande mokobayow kon onu in singogon monimu.

YOHANES 6:45

Kon bonu in Buk in nabi mita pinais nanaa: ‘Komintan intau tundúonbí i Allah.’ Dá bayongan intau inta ain nokodongog kon totundú bo nobalajar nongkon i Amá, mamangoibí kon i-Nakó.

YAKOBUS 1:17

Pomuḷoi in oogoi inta mopia bo tombuinag inta mosompurna, namangoibí intua nongkon soroga, pinopoponag i Allah inta nomia kon bayongan inta nobayag kon ḷangit. Sia tua in ki Allah inta diá kon dodai in onda mobaḷui bo diábí doman mokopopisí in mogaid kon inta mosindip.

YAKOBUS 1:5

Aka oyúon in kon sigad monimu in diápa totok mobijaksana; yo musti mopoigum kon i Allah, dá ogoianbí i Allah in kabijaksanaan in sia. Sin takinbí pia in gina bo tabi in ki Allah in mobogoi kon batúan in intau.