AMSAL 2:19 - Alkitab Singog In Mongondow Masa In Tanaa

¹⁹ Intau inta mayá kon inia diábí kon dodai in onda in mobui kon daḷan inta mayá in kobiagan.

AMSAL 2:19 Mawu Ofanana

MAZMUR 16:11

Sinundú-Mu kon inakó in daḷan kobiagan; kon ini-Mu akuoi mokouḻí kon pia in gina inta diá in poḻiuan bo pia in gina modapot in mononoi.

MAZMUR 81:12

Táe umat-Ku in doí mokidongog kon i-Nakó, Israel in doí motoindudui kon i-Nakó.

AMSAL 4:18

Daḷan in intau moraat in mosindip ná kon sindip in doḷom. Mosia in moipintud bo moḷabú diá butungonmai monia. Noyotoḻikud kon tua in daḷan inta bayáan in intau mopia in naonda bo kinobukaan in mata in singgai; koonggot-koonggot kobayag-kobayag, modapot in imbuitnea mobayagdon totok.

AMSAL 5:11

Kon imbuitnea mogamui in iko, aka awakmu modaitdon kaanon in takit.

AMSAL 5:6

Diá motantú in sia kon daḷan inta mopobayá in kobiagan; diá kinotaa-taauannea mako kon sia in sinumabatdon kon daḷan tatua.

AMSAL 6:32

Táe naonda degá in intau ḷoḷaki inta nonuaḻing? Sia in nomoguyaatbí kon awaknea tontaní! Totuu mobodok in sia!

MOHOHUTUBA 7:26

Nouḻíku kon naanta yo bobaybí in mopai-pait in popatoi. Ibog in bobay tua in naonda bo pukot bo poyogaḷap inta ain sinaan mako. Koyotnea in naonda bo kayu pinoumantungan. Intau inta dinumudui kon ibog i Allah in moiyayúbí kon poyogaḷapnea, táe intau baradosa in notantú bidon kon kodomokannea.

YEREMIA 13:23

Motaau degá in intau morondí momaḷui kon kuḻitnea, andeka harimau monginggamá kon baḷangnea? Notantúbí kon diá! Natuabí doman in moiko inta aid moraat noipakédon yo diábí domandon inta mogaid kon inta mopia.

HOSEA 4:14

Táe Akuoi in diábí mohukum kon aid monia tatua, sin moiko tontaní in minayá doman kon sundaḷ mita inta nogaid kon kuil mita, bo noyotakin monia moiko in nobogoi in sosumba kuruban kon dewa. Totuubí totok in tosingogon tanaa: ‘Bangusa inta diá kopomomangaḻe soaḷ ki Allah in moumpagbí.’

IBRANI 6:18

Doyowa nopasaḷ tatua in diábí mobaḷu-baḷui: Totuuonbí i Allah in dandi bo ibot-Nea tatua. Sia in diábí monguboḷ. Manangka intua kita inta umuran umoḻiung kon i-Nia, umuran-Nea inogoian in ropot bá umuran kumadai kon onu inta i harap mako kon tayowon naton.