AMSAL 2:16 - Alkitab Singog In Mongondow Masa In Tanaa

¹⁶ Iko, adíku, in mokotaḻingbí kon dondouḷug in bobay sundaḷ inta moḷongasi modondouḷug kon inimu pongin tosingogon mita inta mopia.

AMSAL 2:16 Mawu Ofanana

AMSAL 22:14

Dondouḷug in bobay sundaḷ nobaḻí poyogaḷap; intau inta sinorúan i Tuhan moibonu kon poyogaḷapnea.

AMSAL 23:27

Bobay sundaḷ inta sumundaḷ in poyogaḷapbí inta mokoanib.

AMSAL 26:28

Monguboḷ kon intau notongkaibí in moyaat in gina kon inia. Moburidilá mako mokopoangoi kon bodito.

AMSAL 29:5

Ki ine in moduí kon tumpaḷa intau, in motaanbí kon potait kon inia.

AMSAL 6:24

Pongin natua dá iko in popoyayú kon bobay mita sundaḷ bo nongkon dondouḷug mita mobisa nongkon buḷoi bobay in intau ibanea.

MOHOHUTUBA 7:26

Nouḻíku kon naanta yo bobaybí in mopai-pait in popatoi. Ibog in bobay tua in naonda bo pukot bo poyogaḷap inta ain sinaan mako. Koyotnea in naonda bo kayu pinoumantungan. Intau inta dinumudui kon ibog i Allah in moiyayúbí kon poyogaḷapnea, táe intau baradosa in notantú bidon kon kodomokannea.

HAKIM MITA 14:17

Pitu nosinggai in koonggot in bobutungan tatua, bo ki buḷoi Simson in tantú domandon mongombaḷ. Bo popisí in sia tantúdon mopoigum, dá kon singgai noginpitu, ki Simson nopotaaudon in mangaḻe in tangkí tatua kon inia. Bo ki buḷoi Simson in nopotaau in mangaḻenea tatua kon intau mita in Pilistin.