AMSAL 2:15 - Alkitab Singog In Mongondow Masa In Tanaa

¹⁵ Mosia in motombogá bo kobobiag monia in diá moitutui.

AMSAL 2:15 Mawu Ofanana

MAZMUR 125:5

Táe intau inta motombogá igumon mako in hukumon i Tuhan poyotakinon in intau moraat. Igumon mako umat-Mu mobiag motompia!

AMSAL 14:2

Intau inta mojujur in moondok bo mohoromat kon i Tuhan Allah; intau inta kobiagannea diá motuḻid in gina moningkuḻe kon i-Nia.

AMSAL 21:8

Intau inta kotaḷá, moikaing in daḷannea; intau inta mopia tantú motuḻid in kobobiagnea.

AMSAL 8:8

Tosingogonku mita in mongotuḻidbí mita, diábí tobatúmai in moibaya-bayá mako andeka noitaḷá.

YESAYA 59:8

Moiko in diábí moramuji kon kobiagan mopopiaan, bo bayongan in aidmu diá moadil. Daḷanmu in mobelu-belung, bo intau inta dumudui kon daḷan tatua in diábí mosanang.

ULANGAN 32:5

Táe moiko in bangusa inta diá motoindudui, bo diádon patus mobaḻí umat-Nea, bangusa inta nopuḻing in aid motombogá bo dosa.

PILIPI 2:15

Sin aid natua in mopoontongbí kon moiko in ki adí mita i Allah inta diá kotaḷá, inta nobiag kon yua-yuak in intau mita masa naa inta gina diá mongotuḻid bo nobiag diá mongotoḷutui. Sahingga in moiko umuran monimbayag kon yua-yuak monia tua, naonda bo tundi mita kon ḷangit, táe dika taḷaan in pirman i Allah inta nobaḻí dodoyonan in kobiagan, sinbá oyúon in mokosanang kon ginaku aka moiangoidon singgai i Kristus, sin moniatadon kon onu inta iramujiku tua in komintanbí nobaraguna bo oyúon in mangaḻe irorigaankumai tua.