AMSAL 2:14 - Alkitab Singog In Mongondow Masa In Tanaa

¹⁴ Mosia in mokouḻí kon kososanang nongkon aid monia inta moraat.

AMSAL 2:14 Mawu Ofanana

AMSAL 10:23

Intau bodok mopia in ginanea in mogaid kon moitaḷá; intau mobijaksana morajing motayak kon hikmat.

AMSAL 21:10

Intau moraat umuranbí moibog mogaid kon inta moraat; Kon i inekabí diábí in tabinea.

AMSAL 4:16

Intau moraat in diábí mokosiug aka diápa mogaid kon inta diá mopia. Mosia in diábí tomposiug aka diápa mokopobodito kon intau ibanea.

YEREMIA 11:15

Ki Tuhan in noguman, “Umat-Ku inta kinotabi-Ku ain nogaid kon inta moraat mita. Mosia in diádon in hak tumuot kon Baḷoi-Ku. Kai monia kamai kon pongin momia kon dandi mita, bo pongin moposumba in mahaḷuk, mosia in mokoampaidon kon bodito. Degá pongin natua mouḻí monia in mosanang?

HOSEA 7:3

Ki Tuhan in noguman, “Pinongin tompobaḻik bo aid mita inta moraat rayat moḷongasi moposanang in gina i datu bo in pojabat mita in pomarenta.

HABAKUK 1:15

Bangusa in Babel nodomok kon intau mita mopomaké in kail, naonda bo mosia tua in toyá. Intau mita tatua in inugut kon bonu in ḷaḷa mita bo intau in Babel mopia in gina monia kon onu inta nouḻí monia.

ZEPANYA 3:11

Kon dodai intua, ei umat-Ku, moiko in diá bidon musti mooyá bui popisí in nomarontakdon kon i-Nakó. Akuoi in mopoguntunbí in pomuḷoi in intau inta moḷoḷatú bo mododia, bo moiko in diá bidon momarontak bui kon i-Nakó kon tombuḷud-Ku inta motusi.

SURAT I PAULUS KON JAMAAT RUM 1:32

Kinotaauanbí monia, kon podudui in hukum i Allah, intau inta mogaid kon bayongan tua in patusbí hukumon modapot matoi. Táe umpakabí natua yo aidanbí doman monia intua komintan; bo nodapotbí in aka intau ibanea in momia kon soaḷ mita ná inta inaidan monia tua yo mosatujubí doman i mosia.

KORINTUS 1 13:6

Diábí mopia in ginanea aka intau mogaid kon inta moraat, sin koibognea in tongábí inta mopia.